4.

1. Dum medium silentium

Tenerent legis apices,
Et literae dominium

Regnaret apud simplices,
Extendit pater brachium,

In quo, si recte judices,
Regnum et sacerdotium

Reliquit judex judices.
R De tenebris historiae
Processit sol justitiae.

2. Modo fortassis alio

Mundus mundari potuit
Quam passo Dei filio,

Sed nullus ita congruit ;
Nam mortis exterminio

Mederi vita debuit,
Et curari contrario

Contrarium opportuit.
R De tenebris historiae
Processit sol justitiae.

3. Si puras homo fieret

Redemptor et non alius,
Redemptus homo crederet

Quiddam Deo potentius
Et ei genu flecteret,

Et in cunctis obnoxius
Culturae jus impenderet,

Quo nihil est absurdius.
4. Ergo nostrae propaginis

Naturam venit sumere
Deus in alvo virginis

Ut artifex in opere,
Ut per naturam hominis

Haberet morti cedere
Et per virtutem numinis

Posset a morte surgere.

5. Subtili diligentia,

Mirabili commercio
Ex duplici substantia

Facta fuit haec unio,
Et quidquid sapientia

Possedit ab initio,
Collatum est ex gratia

Totum Mariae filio.

6. Haec est fides catholica,

Quam haeresis non lacerat,
Haec est, quam vox prophetica

Rotam in rota dixerat,
Prioris analytica

Dum resolvit et reserat,
Quod sub lege Mosaica

Veritas occuluerat.