207.

1. Ave, Dei pia
Genitrix Maria,
Teste Isaia

Virgo gravida ;
Virgo post et ante,
Dignitatis tantae,
Te opitulante

Voce placida,
Tibi denegare

Nescit filius ;
Ipsum deprecare,

Ut celerius
Nos velit juvare,
Quia devastare

Vult diabolus.

2. Ave, mater Dei,
Salus meae spei,
Miserere mei,

Bona Maria;
Omni laude digna,
Clemens et benigna,
Cor meum consigna

Tua gratia.
Leni mea bella,

Quae vix suffero,
Christum interpella

Pro me misero;
Ave, maris stella,
Optima puella,

Te desidero.

3. Ave, decus morum,
Fons et flos honorum,
Omnium bonorum

Spes et gaudium ;
Domina coelorum,
Decus angelorum,
Spes desperatorum

Et solatium.
Audi me gementem,

Audi devium,
Et ora clementem

Tuum filium,
Ut det milii mentem
Vere poenitentem

Et refugium.

4. Pueri, cantate
Cum jucunditate
In solemnitate

Dei hominis,
Illi supplicate,
Ipsum adorate,
Qui praeest potestate

Cunctis dominis,
Ut a gravitate

nos solvat criminis
Et in amoenitate

nos ducat culminis,
Ubi delicatae
Filius beatae

Vivit virginis.