321. In sancti Matthaei Apostoli.

1. Apostolorum nobili victoria
Et retributa pro labore gloria
Coeli solique laeta fit respublica,
Ut summa laudum conferant praecouia,
Quibus decora mater est ecclesia.

2. Hic est senatus, rege qui cum gloriae
Die supremo praesidebit arbiter
Ad judicandum omne semen Israel,
Cujus potestas novit altas claudere
Seras itemque clave linguae pandere.

3. In hoc beato principum collegio
Mattbaeus almo gloriatur praemio,
Qui mox relicto merito negotio
Christum secutus ejus a primordio
Humanitatem scripsit omnibus prior.

4. Auriga currus primus est mirabilis,
Servat Phisonis et figuram fluminis
Evangelista, cui datur prae ceteris
Formam supremae ferre pulchritudinis,
Nam solus ex his est homo notabilis.

5. Trina refulget dignitate munerum,
Refert ut omne concinendo saeculum,
Evangelista, martyr et apostolus,
Quod tale nulli de suis consortibus
Videtur unquam contigisse praemium.

6. Gentes propinquo solis ustas climate
Intusque tinctas criminum fuligine,
Ne mortis atra vergerent caligine,
Nitere fecit mente dum fideliter
Signis et almo liberavit famine.

7. Matthaee, grates debitas, apostole,
Digne tuorum civium jam suscipe,
Quos fac ab omni esse tutos crimine,
Ut se futuro sentiant examine
Tali patrono paruisse strenuo.

8. Sit trinitati summa laus et gloria,
Salus honorque perpes et potentia,
Simplex et una gen . , , aeternitas,
Et quam creata confitentur omnia
Per cuncta semper saeculorum saecula.