199.

Planctus Mariae Virginis.

la. Planctus ante nescia,
Planctu lassor anxia,
Crucior dolore,

1b. Orbat orbem radio,
Me Judaea filio,
Gaudio, duleore.

2a. Fili, dulcor unice,

Singulare gaudium,

Matrem flentem respice

Conferens solatium.

2b. Pectus, mentem, lumina
Torquent tua vulnera,
Quae mater, quae femina
Tam felix, tam misera !

3a. Flos florum,
Dux morum,

Veniae vena,
Quam gravis
In clavis
Est tibi poena.

3b. Proh dolor,
Hinc color

Effugit oris,
Hinc ruit,
Hinc fluit

Unda cruoris.

4a. O quam sero deditus,

Quam cito me deseris.

O quam digne genitus,

Quam abjecte moreris.

4b. O quis amor corporis
Tibi fecit spolia,
O quam dulcis pignoris
Quam amara praemia.

5a. O pia gratia

Sic morientis,
O zelus, o scelus
Invidae gentis.

5b. O fera dextera
Crucifigentis,
O lenis in poenis
Mens patientis.

6a. O verum eloquium
Justi Simeonis,
Quem promisit, gladium
Sentio doloris.

6b. Gemitus, suspiria

Lacrimaeque foris,
Vulneris indicia
Sunt interioris.

7a. Parcito proli,
Mors, mihi noli,
Tunc mihi soli
Sola mederis.

7b. Morte, beate,
Separer a te,
Dummodo, nate,
Non crucieris.

8a. Quod crimen, quae scelera
Gens commisit effera !
Vincla, virgas, vulnera,
Sputa, spinas, cetera
Sine culpa patitur.

8b. Nato, quaeso, parcite,
Matrem crucifigite
Aut in crucis stipite
Nos simul affigite,
Male solus moritur.

9a. Reddite moestissimae
Corpus vel exanime,
Ut sic minoratus
Crescat cruciatus
Osculis, amplexibus.

9b. Utinam sic doleam,
Ut dolore peream,
Nam plus est dolori
Sine morte mori,
Quam perire citius.

10a. Quid stupes, gens misera,
Terram se movere,
Obscurari sidera,
Languidos lugere ?

10b. Solem privas lumine,
Quomodo luceret?
Aegrum medicamine,
Unde couvaleret?

11a. Homicidam liberas,

Jesum das supplicio ;
Male pacem toleras,
Veniet seditio.

11b. Famis, caedis, pestium
Scies docta pondere
Jesum tibi mortuum
Barrabamque vivere.

12a. Gens caeca, gens flebilis,
Age poenitentiam,
Dum tibi flexibilis
Jesus est ad veniam.

12b. Quos fecisti, fontium
Prosint tibi flumina,
Sitim sedant omnium,
Cuncta lavant crimina.

13a. Flete, Sion filiae,

Tantae gratae gratiae
Muneris, angustiae
Sibi sunt delieiae
Pro vestris offensis.

13b. In amplexus ruitc,

Dum pendet in stipite,
Mutuis amplexibus
Parat se amantibus
Manibus extensis.

14. In hoc solo gaudeo,
Quod pro vobis doleo,
Vicem, quaeso, reddite,
Matris damnum plangite.