108.

1. Omnes gentes, psallite

Atque congaudete,
A peccati tramite

Corda removete,
Regem natum canite

Illumque timete,
En Deus est, Deus est,

animis linguisque favete.

2. Hujus in exsilio

Mundi pro necesse
Plebis in hospitio

Mortis diu pressae
Sol prodit de radio

Atque sator messe,
Est pia stirps Jesse,

quam Christum credimus esse.

3. Omnipotens stimulo

Motus pietatis
Nostrae sub vernaculo

Est humanitatis
Natus, unde calculo

Suae dignitatis
Cuncta timent hominem,

quia praesidet ille creatis.

i. Conditorem siderum

Ac patronum legis,
Tendentis ad inferum

Redemptorem gregis,
Enixa est puerum

Peccatorum aegis,
Virgo decora nimis

David de semine regis.

5. Virgo, Jesse virgula,

Vitae gerens florem,
Luna sine nebula,

Stella dans fulgorem,
Sua prompsit clausula

Contra carnis morem
Natura mirante suum

sanctum genitorem.

6. Haec est admirabilis

Dulcis atque pia,
Nullius consimilis

Teste prophetia,
Prae cunctis laudabilis

Nativitas, quia
Non est verbigena

nisi Christus, vera sophia.

7. Magi novo sidere

Viso gratulantur
Relictisque propere

Regnis hoc sectantur
Ac triplici munere

Illum vernerantur,
Cui sol, luna, solum,

pelagus pariter famulantur.

8. Ut ergo post taedium

Mortis repentinae
Consequamur gaudium

Patriae divinae,
Exoremus filium

Coelestis reginae,
Cui tres personae,

tria nomina sunt sine fine.

9. Rex aeternae gloriae

Daemonem illusum
Sub humana specie

Reddens et confusum,
Hortum esse Mariae

Post partum conclusum,
Annuit in tantum,

naturae vincat ut usum.