13.

1. Veri solis radius

Et sol pleni luminis
Specular innoxius

Matris intrat virginis,
Sic Dei, non alius,
Filius fit hominis.

2. Levigati nuclei

Nux in virga nascitur,
Propinatrix olei,

Quo David inungitur,
Quo lucerna fidei
Populis accenditur.

3. Vermis, qui sub vespere
Mundi jubar exerit,

Ramum siccat hederae,
Quo se Jonas operit,

Non in umbra literae
Spera salutis ingerit.

4. Quem non valet baculo
Nec legis justitia,

Revocat a tumulo
Prophetae praesentia,

In quo quasi speculo
Nova fulget gratia.

5. Fratri primogenitus,

Non conformis humili

Nec adesse meritus
Patris mensae fertili,

Immoratur penitus
Legis agro sterili.

6. Hujus sinum gratiae
Pater pandit filio,

Qui porcorum variae
Foeditatis taedio

Spe succinctus veniae
Redit ab exsilio.

7. Quo fovetur medico
Propulsante vitia,

Qui vergebat Jericho
Via lapsus regia

Nec afflictus modico
Vitae flebat spolia.

8. Immutatur titulus,
Palmes aret vineae,
Oleastri surculus

Maritatur oleae,
Quam fecundat sedulus
Hos infusus areae.

9. Quo Zachaeus fomite

Novae fructus arboris,

Forma gentis praeditae,
Sacri succo pignoris

Novo surgit stipite,
Novi pomum temporis.

10. Sub ficu Nathanael

Typum sibi vendicat

Subjugalis Israel,

In quo Jacob claudicat,

In quo pulsus Ismael
Jus haeredis abdicat.

11. Unde chorus hodie

Plaudat manu sedula,

Quem sinus ecclesiae
Purgat leprae macula,

Ut cohaeres gloriae
Jubilet per saecula.