197.

1. Imperatrix reginarum
Et salvatrix animarum,
Pretiosa margarita,
Rosa gelu non attrita,

2. Lux solaris, clara stella,
Spiritalis Dei cella.
Paradisi patens porta,
Per quam salus fuit orta.

3. Benedicta gloriosa,
Super omnes speciosa,
Virga Jesse generosa,
Pulchra, nitens et frondosa.

4. Vas electum creatoris,
Medicina peccatoris,
Super choros angelorum
Exaltata, spes lapsorum.

5. Lepra tabens peccatorum
Ad te clamo, fons hortorum,
In extremo vitae pirgo
Me tuere, pia virgo.

6. Vitis sacra, dulcis uva,
Fidem sitientem juva
Ex olivae tuae ramo
Mitte guttam, quam reelamo.

7. In camino vitiorum
Stabilivi mihi thorum,
Ex mamilla pietatis
Funde rorem castitatis.

8. Cujus sacrum per liquorem
Tu exstinguas hunc ardorem,
Aut per spiritalem facem
Prorsus uras hanc fornacem.

9. Multa flamma jam surrexit,
Unde multus fumus exit,
Ita fumi foetor olet,
Sulphur ut olere solet.

10. Inimicus ob reatum
Talem dedit odoratum.
Sed tu pia, tu regina,
Fac, ut cadat haec pruina.

11. Fac, calere solem vitae
Et pruinam hanc remitte,
Ipsum solem interpella,
Per quem Iacet omnis stella.

12. Ut in sole, quem rogamus,
Tabernaculum ponamus,
Et ab ipso doceamur,
Per quod iter gradiamur.