CAPUT XX. De effectibus fulminis.

Videbatur autem multis physicis., quod tonitrum esset res divina, propter mirabilem et diversum effectum ejus. Praecipui autem dicentes coruscationem esse rem divinam, fuerunt duo magni Philosophi Hesiodistae in cultibus Meorum patres, scilicet Attalus et Caecimia, etiam Seneca, qui dixerunt Jovem esse causam ejus, eo quod diversus et mirabilis esset effectus ejus. Propter quod invenitur aliquando laedere vinearum flores, et nucleos avelanarum,et tamen nusquam apparet adustionis signum. Aliquando liquefacere aurum et non laedere crura enam sive saccum in quo est aurum. Aliquando comminuit sive liquefacit gladium, et perforat multis foraminibus sine laesione vaginae. Aliquando autem exurit calceos alicujus, et non laedit pedes ejus. Aliquando adurit crines in toto corpore, et non adurit corpus : dico autem crines tam in inguine quam sub ascellis et caeteteris locis occultis : et non crura vel brachia quae inguina vel ascellas operiunt. Aliquando etiam alicujus hominis alterat colorem vel alterius animalis quod percutit, et nihil aliud facit. Et aliquando interficit, cum nullum vulnus appareat vel adustionis vel percussionis signum. Aliquando autem apparet in interfectis divisionis signum et non adustionis, et praecipue in lignis percussis a tonitruo, quae in loco divisionis albissima inveniuntur esse. Et quod admiratione prae omnibus dignum, sicut dicit Seneca, aliquando percutit et adurit dolium : et tamen adhuc ad tempus stat vinum et non defluit, nec diffunditur. Fertur autem a Philosophis quibusdam, quod animal ve- nenosum percussum a fulmine, amittit venenum. Cujus signum est, quia si est serpens fulmine percussus, infra paucos dies vermiculat putrefactus: quod non facit aliter interfectus : eo quod venenum in eo prohibet nasci vermes, vel ex eo cibari. Quod autem omnibus fulminatis communiter accidit, est quod omne percussum a fulmine habet odorem sulphureum, et quod animal percussum a fulmine semper vertit caput contra impetum fulminis. Arbor autem vel planta si percutitur, hastulas depulsas a fulmine contra fulmen erigit. Et alia multa in effectibus fulminis miranda, notata sunt a Philosophis : propter quod dixerunt omnes qui antiquitus th.eologiza.bant , quod fulmen dirigeretur numine : et attribuebant ipsum et tonitruum regi deorum, quem Jovem appellabant.