CAPUT I.

De quibusdam praeambulis.

Postquam dictum est de corpore mobili ingenerabili et incorruptibili, dicendum est de corpore mobili generabili et corruptibili. Et primo de simplici, et postea de composito. Corpora autem. simplicia generabilia et corruptibilia sunt elementa. Unde nunc de elementis dicendum est, quae distincta sunt sub caelo in suis sitibus, ita quod illud quod est subtilius aliis, propinquius est caelo, sicut ignis quia subtilior est aere, propinquior est caelo quam aer, et aer quam aqua, et aqua quam terra. Primo ergo ponamus opiniones antiquorum Philosophorum de elementis. Secundo dicamus de primis qualitatibus illorum elementorum. Tertio de generationo et corruptione elementorum ad invicem, gratia cujus etiam di- camus de alteratione et aliis speciebus motus.

Antequam ponamus opiniones de elementis,nota quod elementum multis modis dicitur. Dicitur enim uno modo elementum, principium artis complexum, ut illud,omno totum est majus sua parte : et illud,de quolibet est affirmatio vel negatio vera vel falsa : et similia. Unde Aristoteles in libro Physicorum : Dispositio scientiae et veritatis est in omnibus his quae sequuntur principia aut elementa. Ibi appellat elementa principia. Dicitur etiam elementum, ut dicit Philosophus quinto Metaphysicae, commune omnibus rebus, quod est principium cujuslibet et in quolibet principium, sicut litterae dicuntur elementa vocis significativae ad placitum, et sic de aliis. Dicitur etiam elementum secundum specialiorem intellectum, principium cujuslibet corporis sensibilis mixti : et secundum hoc diffinitur elementum in libro Metaphysicae . ''Elementum est illud ex quo primo componitur res et est in eo, et non dividitur secundum formam in speciem, id. est, in aliam formam. Verbi gratia : In mixto est aqua cujus quaelibet pars est aqua, et si.-

reiliter de aliis elementis. Et secundum hoc distinguuntur quatuor elementa, scilicet ignis, aer, aqua, terra : quae omnia in materia communicant, sed non secundum formas, scilicet calidum, frigidum, siccum, et humidum : et ideo dicuntur contraria ratione suarum formarum. Unde substantiae nihil habent contrarium secundum materiam, sed secundum formam substantiae aliquid est contrarium.