1 8 Novemb r e 2 0 09 - 1 5 : 2 0 p a g i n a 4 4 4 e : / 0 6 9 2 _ 9/L a v o r o/Ac t a _mag g i o _ 9 . 3 d GRECCO

Acta Apostolicae Sedis - Commentarium Officiale444

Idcirco apud Curiam Lyciensem peractus est Processus Ordinarius Infor-

mativus inter dies 22 mensis Martii et 9 mensis Aprilis anno 1959, quem

secutus est in eadem archidioecesi Processus Apostolicus a die 7 mensis De-

cembris anno 1978 ad diem 5 mensis Maii anno 1979: iuridicam horum Pro-

cessuum validitatem agnovit Congregatio de Causis Sanctorum Decretum

edens die 21 mensis Iunii anno 1981. Positione exarata, disceptatum est, ut

de more, utrum Serva Dei virtutes heroico gradu exercuerit. Congressus Pe-

culiaris Consultorum Theologorum, die 3 mensis Martii anno 2006 habitus,

faventem tulit sententiam. Patres Cardinales et Episcopi in Sessione Ordina-

ria die 8 mensis Ianuarii anno 2008 congregati, audita relatione Ponentis

Causae, Exc.mi D.ni Hieronymi Grilli, Episcopi emeriti Centumcellarum,

edixerunt Servam Dei Aloisiam Mazzotta heroicum in modum theologales,

cardinales eisque adnexas virtutes esse exsecutam.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Aloisiae

Mazzotta, Christifidelis Laicae, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis