Congregatio de Causis Sanctorum 413

VENETIARUM

Beatificationis et canonizationis Servi Dei Iucundi Pii Lorgna Sacerdotis professi

Ordinis Praedicatorum (1870-1928)

DECRETUM SUPER VIRTUTIBUS

« Quod antea fuit pro Deo stare, nunc, per Iesu donationem communica-

tam, eius corporis et sanguinis participatio, fit coniunctio » (Benedictus XVI,

Litterae encyclicae Deus caritas est, n. 13).

In sacramentali communione fidelis cum Christo coniungitur et, eodem

tempore, cum ceteris omnibus quibus Ipse se tradit. Servus Dei Iucundus

Pius Lorgna, eiusmodi veritati se conformans, per Eucharistiam vitam suam

spiritalem aluit, altum gradum coniunctionis cum Divino Magistro asse-

quens, quam per ministerium sacerdotale praesertim inter iuvenes egentes-

que demonstravit nec non per Regulae sui Ordinis observantiam.

Hic fidelis sancti Dominici filius die 27 mensis Septembris anno 1870 in

Popetto di Tresana (Massa) ex simplici et christiana familia ortus est. Duos

post annos scholae apud avunculum sacerdotem, curricula explevit annis

1883-1889 in Seminario Parmensi. Vocatione satis perpensa se Deo in Ordine

Praedicatorum consecrandi, mense Novembri anno 1889 novitiatum in Orto-

novo (Spedia) incohavit et ibidem simplicem nuncupavit professionem. Missus

est deinde in Bononiensem conventum sancti Dominici ubi propriam perfecit

formationem, quo tempore eminuit pietate et Regulae observantia. Anno

1893 sollemnem emisit professionem et, itinere ut praescribitur expleto, sa-

cerdotali est auctus ordinatione.

Varia exercuit munera, etenim magister exstitit philosophiae et historiae

Ecclesiae, bibliothecarius, magister conversorum, confessarius, praedicator,

lector introductionis in Sacras Scripturas, sacellanus maior. In Fontanellato

deinde (Parmensi in dioecesi) confessarius fuit apud moniales Dominicanas.

Mense Ianuario anno 1905 ad Venetias translatus est ubi concreditum est ei

munus parochi ecclesiae sanctorum Ioannis et Pauli. Ibi postremos 23 annos

vitae transegit, diligentem explens apostolatum, etiam extra paroeciam, et

multa incepta promovens. Patronatum fundavit «Divina Providentia » appel-

latum pro iuvenibus viris, ludos pro pueris « Angeli Custodes » et « Sanctum

Rosarium », cum aliis operam impendit in instituendam «Piam Unionem An-

cillarum missionariarum Sanctissimi Sacramenti » nec non Apostolatum eu-