Acta Apostolicae Sedis - Commentarium Officiale416

NEAPOLITANA

Beatificationis et canonizationis Servi Dei Michaëlis Angeli Longo a Mariliano (in

saec.: Michaëlis Longo) Sacerdotis professi Ordinis Fratum Minorum (1811-1886)

DECRETUM SUPER VIRTUTIBUS

« Absorbeat, quaeso, Domine Iesu Christe, mentem meam ignita et melli-

flua vis amoris tui, ut amore amoris tui moriar, qui amore amoris mei digna-

tus es mori » (Fontes franciscani, 277).

Celebris haec prex ad sanctum Franciscum dubitanter relata admodum

autem vitae operibusque Servi Dei Michaëlangeli Longo a Mariliano fideliter

personat, qui, sagaci cum inventione et constantia habitus, et mentem illius

Pauperculi Assisiensis conversatione sua in hoc mundo regeneravit.

Venerabilis hic Servus Dei in parvo vico Sancti Nicolai apud Marilianum,

in Neapolitana provincia, quintus ex septem filiis, die 22 mensis Septembris

anno 1811 e nobili familia natus est. Biduo post parentes eum ad baptisma-

lem fontem duxerunt, ubi nomina sumpsit Michaëlis Mauricii Ianuarii. In-

fantiam adulescentiamque intra familiam degit, validam accipiens humanam

et christianam institutionem, cui ipse indole sua sobria, docili et benigna

obsecutus est. Ex fratribus eius unus tantum in mundo restitit, cum alii iter

ad sacerdotium seu ad vitam religiosam transissent, quod aerem fervidae

spiritualitatis, quae illi inerat domo, ulterius testatur. Adhuc puer, Michaël

longa tempora in oratione peragebat et assiduum se ostendebat in sacramen-

to Reconciliationis recipiendo atque in devotione erga Sanctissimam Eucha-

ristiam.

Vocatione ad vitam religiosam percepta, ac praesertim ob peculiares eius

paenitentis, humilis et pauperis mores ad conversationem sancti Francisci

regulae spiritu inflatam, dum undevicesimum aetatis annum agebat, in Con-

ventum Fratrum Minorum Sancti Angeli vulgo « del Palco » in civitate Nola

prope Neapolim accessit, nomini suo illud Angeli adiciens. Iam inde ab ipso

ingressu, tamquam exemplum suipsius regiminis et strictae observantiae re-

gulae adeo emicuit, ut, sueto institutionis cursu expleto, sollemnem profes-

sionem religiosam emitteret die 23 mensis Septembris anno 1832 et iam anno

1834 presbyteratu augeretur.

Servus Dei, qui ceterum paterna in domo optima edoctus erat eruditione,

culturali pervestigatione ac studiis non destitit et doctrinam immo suam