Acta Benedicti Pp. XVI 347

LITTERAE APOSTOLICAE

Venerabili Dei Servae Marthae Mariae Wiecka caelitum Beatorum tribuitur dignitas.

BENEDICTUS PP. XVI

Ad perpetuam rei memoriam. - «Maiorem hac dilectionem nemo habet,

ut animam suam quis ponat pro amicis suis » (Io 15, 13).

Martha Wiecka in oppido Nowy Wiec die XII mensis Ianuarii anno

MDCCCLXXIV orta est, quem locum Polonicum tunc temporis Prussia tenebat

atque ipsa die XXX mensis Maii anno MCMIV de vita excessit in oppido Sniatyn,

quod illo tempore ad Austriacum-Hungaricum imperium pertinebat, nunc ad

Ucrainam. Puella usque precationis sensu imbuebatur atque erga Virginem

Mariam et S. Ioannem Nepomucenum praestantem devotionem necnon ani-

mum ad proximum plus laborantem iuvandum prae se ferebat.

XVIII annos nata, Novitiatum Societatis Filiarum a Caritate sancti Vin-

centii de Paul Cracoviae est ingressa. Per vitae consecratae XII annos infirmis

in valetudinariis inservivit Leopolitano (annis MDCCCXCIII-MDCCCXCIV), locorum

Podhajce (MDCCCXCIV-MDCCCXCIX), Bochnia (MDCCCXCIX-MCMII), Sniatyn (MCMII-

MCMIV). Primum vota die XV mensis Augusti anno MDCCCXCVII nuncupavit

cum in oppido Podhajce esset.

In valetudinario loci Sniatyn ei pars infectorum commissa est. Quodam

die aliquis assistens medicus iussus est cubiculum purgare cuiusdam mulieris

ex typho pustulato laborantis. Maximi periculi erat opus. Ipse spe destitutus,

de muliere infantuloque cogitabat. Soror Martha Wiecka eius loco officium

illud in se recepit. Paucis post diebus illo morbo est correpta. Cum illo morbo

infecta est, summa caritate compulsa, omnes pro eius sanatione sunt precati.

Hebraei quoque in sua synagoga peculiarem ritum celebraverunt.

Die XXX mensis Maii anno MCMIV, triginta annos nata, Ioanne adstante

fratre presbytero, e vita excessit. Iuxta sanctum Ioannem Nepomucenum est

sepulta, sacerdotem scilicet qui martyr mortuus est ne sacramentale sigillum

violaret.

Servae Dei funus magna fuit dilectionis, aestimationis gratique animi

manifestatio, quam catholici, Graeco-catholici, orthodoxi atque agnostici in

eam contulerunt.

Eius sepulcrum, ad hodiernum usque diem, peregrini petentes, Venerabi-

lis Servae Dei sanctitatis famam significant.