Congregatio de Causis Sanctorum 407

HARTFORTIEN.

Beatificationis et canonizationis Servi Dei Michaëlis McGivney Presbyteri dioece-

sani et fundatoris Ordinis Fraterni v.d. « The Knights of Columbus » (1852-1890)

DECRETUM SUPER VIRTUTIBUS

« Ipse est enim pax nostra, qui fecit utraque unum et medium parietem

maceriae solvit, inimicitiam (...). Ergo iam non estis extranei et advenae, sed

estis concives sanctorum et domestici Dei » (Eph 2, 14.19).

Hic reconciliationis nuntius, quem Apostolus Gentium extollit in opera

redemptionis a Christo expleta, singulari claritate et persuasione in mente

apparet et in vita Venerabilis Servi Dei Michaëlis McGivney.

Die 12 mensis Augusti anno 1852 in pago Waterbury ex Civitate Connec-

ticutensi (Foederatae Civitates Americae Septentrionalis) natus, primus ex

tredecim filiis cuiusdam familiae migratorum ex Hibernia, eodem die Baptis-

mum accepit, cui inditum est nomen Michaël Iosephus. Infantiam in simplici

familiae ambitu transegit, quae eius praecipuam efficacemque christianam

educationem curavit. Etiamsi puer in agris operaretur, satis aequam accepit

scholasticam formationem. Ob praematurum obitum sex minorum fratrum,

acerbos pertulit annos quoad eius processum psychicae et spiritalis matura-

tionis.

Iuvenis quidem vocationem ad sacerdotium sequi decrevit atque suum

formationis iter nonnullis in Seminariis, tum in Canadia tum in Foederatis

Civitatibus Americae Septentrionalis percurrit, inspiratus praesertim spiritali

doctrina Vincentiana et Sulpiciana, quae suum pondus apud iuvenem cleri-

cum habuerunt. Baltimorae, in Civitate Terrae Mariae, presbyter die 22 men-

sis Decembris anno 1877 est ordinatus.

Prima exercuit pastoralia ministeria veluti capellanus paroeciae Sanctae

Mariae in urbe New Haven ex Civitate Connecticutensi, praesertim apud mi-

grantes ex Hibernia, ubi, etsi infirma afficeretur valetudine, haud communi

apostolico zelo eminuit magnaque actuositate ad levandas plures necessitates

in quibus pauperes et a societate segregati versabantur.

Ita in eo perspicue ostendebantur quaedam dotes magni momenti tum

pro Ecclesia tum pro civili societate. Ille, revera, non solum virtutum exer-

citationem et promptam responsionem ad gratiae actionem, quae omni tem-

pore sanctitatem significant, verum etiam sensibilem ostendit sollicitudinem