Acta Apostolicae Sedis - Commentarium Officiale408

de condicione migrantium, de eorum difficultatibus sese inserendi novum in

ambitum atque cum eodem se adaequandi, nec non de religiosa illorum iden-

titate varias inter stirpes.

Suam ob stirpem, Pater McGivney has vicissitudines expertus est potis-

simum in seipso. Sed praesertim in ambitu actuositatis ministerialis vivam

sumpsit necessitatis et urgentiae conscientiam roborandi societates laicorum

quae securitatem dignitatemque tribuerent illis qui sese conferebant in ter-

ram Americanam quique facile veluti praedae subiciebantur societatibus

francomurariorum et delinquentium. Die igitur 6 mensis Februarii anno

1882 condidit Fraternum Ordinem «Equitum Columbi », cuius primum mu-

nus fuit erronea iudicia societatis Americanae adversus catholicos laicos de-

bellare. Electio Christophori Columbi veluti « patroni » significare voluit quo-

modo religio catholica et immigrationes res alienae non essent a moribus

Americanorum.

Hoc in opere ad mentes formandas ac rem pastoralem et culturalem ro-

borandam, Pater McGivney verum ducem se demonstravit, ex peculiari in-

genio ad res ordinandas non solum sub religioso-culturali, sed etiam legali,

sociali et oeconomico prospectu. Primum revera servitium suo populo prae-

stitum assidua exstitit personalis ad sanctitatem propensio, quam laeto ani-

mo excoluit et fidelitate erga Deum et fratres, nec non forti spiritali notione

propriae navitatis, sapienter concilians theologiae pietatisque traditionem

cum historicis illius aetatis adiunctis.

Humanas, christianas et sacerdotales virtutes ardenter excoluit, inter

quas summopere ac constanter excelluit « pastoralis caritas ». Magno eius

animi robori atque assiduis viribus addebantur semper mansuetudinis spiri-

tus, sincera caritas erga peccatores nec non promptus animus et erga omnes

obsequens. Simplicis et cordialis fuit indolis atque ob suam humanam urba-

namque conversationem morum integritatem exterius ostendebat.

Non paucae fuerunt difficultates ad quas obeundas Servus Dei vocabatur,

tales ut defectio comprehensionis in eius ambitu, et ingrati animi sensus

illorum etiam qui ab eo beneficiis cumulabantur: omnia ille fortiter ac serene

superavit, conscius se proprium dolorem passioni Christi coniungere, qui Sa-

cerdos fuit eodem tempore quo victima. Crucifixum imitans Dominum, num-

quam in corde suo et in modo se gerendi sensus hostilitatis aluit vel inimici-

tiae.

Etiam sequentibus in pastoralibus exercendis ministeriis navitatem pro

bono Associationis ab ipso conditae numquam neglexit, quod interim progre-

diebatur et novis structuris ditabatur. Ecclesialis eius mens ardenter specta-