Acta Apostolicae Sedis - Commentarium Officiale410

LISBONEN.

Beatificationis et canonizationis Servi Dei Ioachimi Alves Brás Presbyteri dioece-

sani conditoris Instituti Saecularis Cooperatricum Familiae (1899-1966)

DECRETUM SUPER VIRTUTIBUS

« Familia fons est ex quo societas profluit; si fons mundus et nitidus est, et

aqua munda erit ». Lapidaria haec sententia, quam Dei Servus Ioachimus

Alves Brás repetere consueverat, cardinem constituit ministerii pastoralis,

quod ipse summo studio in vita peregit.

Servus Dei in Lusitano vico vulgo Casegas die 20 mensis Martii anno 1899

natus est, e familia exiguis agrariis facultatibus praedita. Suam propter in-

firmam valetudinem, quam totam per vitam pertulit, statim Baptismum

accepit.

Ambitus eius familiaris authentica exstitit schola humanae et christianae

formationis: etenim momentum operis, spiritus sacrificii, solidarietas erga

egenos, fidelitas et amor veritatis, experientia fidei quam cotidie oratione

aluit, specificum constituerunt indicem educationis pueri Ioachimi. Iter eius

scholasticum, quod simpliciter cum rusticis intexebatur et domesticis operi-

bus, tempore adulescentiae ob acerbum morbum inopinanter intermissum

est: quae tamen tribulatio fuit illi apertae periodo quoad processum matura-

tionis, eo quod indolem eius roboravit eumque adhuc propius ad Deum ad-

movit. Prima indicia vocationis ad presbyterale ministerium in eo properan-

ter fulserunt: perfacile sensibus percipiebat dona spiritualia, atque apud

amicos vires impendebat in apostolatum simpliciter et sponte exercendum.

Quibusdam superatis difficultatibus, maxime illis quae condiciones vale-

tudinis respiciebant, Ioachimus seminarium ingressus est, ubi studii et for-

mationis annos ferventer transegit, se parans ad sacram ordinationem. Ex

eius in dies magis persuaso ac congruenti responso ad vocationem quaedam

spiritualis ostendebatur propensio ad sanctitatem.

Sacro presbyteratus ordine auctus, ministerium implere coepit uti paro-

chus ac deinde uti moderator spiritualis apud Seminarium maius.

In ambitu suae actionis perspicere potuit quosdam rerum status, dubios

quidem sub aspectu morali et sociali, quibus praesertim mulieres implicatae

inveniebantur. Unde inductus est ad quandam condendam associationem,

Opus scilicet Providentiae et Formationis Famularum, humanae christianae