Congregatio de Causis Sanctorum 419

ROMANA

Beatificationis et canonizationis Servi Dei Mariani ab Augusta Taurinorum (in

saec.: Pauli Roasenda) Presbyteri professi ex Ordine Fratum Minorum Capuccino-

rum (1906-1972)

DECRETUM SUPER VIRTUTIBUS

« Omnibus Pax et Bonum! ». Serenans haec franciscalis salutatio, quae saecu-

lorum decursu per latas terrarum vias resonaverant, innovata validitate ad

nos rediit per praedicationem Patris Mariani a Taurinis, quae iter exstitit

testimonii vitae eius. Hodiernis in adiunctis mirabiliter reflectuntur in Dei

Servo vetera Sapientis biblici verba: « Ex visu cognoscitur vir, et ab occursu

faciei cognoscitur sensatus; [...] risus dentium [...] enuntiant de illo » (Eccli 19,

26-27). Reapse facies fratris capuccini Taurinensis splendorem eius interioris

vitae evidenter ac constanter ostendit.

Servus Dei ortum habuit illa in urbe Pedemontana die 22 mensis Maii

anno 1906. Duobus post diebus ad fontem baptismalem ductus est, ubi indita

sunt ei nomina Pauli, Marii, Aloisii, Francisci. In familia, ex medio burgensi

ordine, puer humanam christianamque accepit institutionem, spiritu oratio-

nis, temperantiae et liberalitatis insignitam.

Adulescentiae et iuventutis annis Paulus scholasticae et universitariae

institutionis iter percurrit usque ad doctoris titulum in litteris classicis asse-

quendum. Hic temporis tractus profuit illi non tantum ad honestum et dig-

num statum professionalem quaerendum, sed ad periodum degendam, qua,

suum subtile ingenium et aequum animum perficiens, studium quoddam

excogitavit spectans ad utilitatem christianae culturae, qua re, magis in dies

persuasione compulsus, se cooptavit in varios motus laicales, ut « cum aliis

bonum et verum a seipso receptum communicaret ».

Postquam academicos gradus obtinuit, aliquot per annos muneri docendi

se dedit, conspicuum consensum apud socios et alumnos sibi concilians, non

solum per certissimam scientiam sed potius per intrepidum benignitatis et

communicationis vigorem, quem in docendi munus profundere consueverat.

Gradatim tamen iuvenis magister vocationem ad formam vitae in dies

alacriorem et elatiorem habere percepit: allicienti perspicuitate persensit ad

vitam religiosam a Domino vocari per franciscalis spiritus vestigia. Sic in-

gressus est novitiatum capuccinum oppidi v. Fiuggi, Frusinatensis Provin-