Acta Apostolicae Sedis - Commentarium Officiale398

pidi vulgo Agnosine, Provinciae Brixiensis, in cuius territorio sita est sedes

Scholae Maternae Sororum Sanctissimi Sacramenti, quam aegrotulus fre-

quentaverat: indictae sunt supplicationes novendiales, ad impetrandam pue-

ruli sanationem per intercessionem Beatae Gertrudis. Non solum ex parte

communitatis paroecialis et Sororum, sed exorta est quoque « vera catena

supplicans » ex parte plurium fidelium per manus Beatae, ita ut mater haec

declarare potuerit: « universa vallis pro meo filio orabat! ». Noctu inter dies 3

et 4 mensis Octobris, inexspectatus progressus valetudinis apparuit: puer

oculos aperuit et artus movere coepit; sequenti die sponte respirare incepit

et paucis post horis ex inspectione neurologica detectus est status clinicus

omnino normalis. Temporis congruentia evidens exstitit et nexus quoque

inter supplicationes ad Beatam et sanationem pueruli, qui in praesens bona

gaudet valetudine, immo vitam necessitudinis iuxta normam gerere potest.

De hac sanatione, quae mira putata est, a die 22 mensis Novembris anno

2002 ad diem 2 mensis Martii anno 2003 apud Curiam Brixiensem instructa

est Inquisitio Dioecesana, cuius iuridicam auctoritatem agnovit haec Congre-

gatio per Decretum vulgatum die 11 mensis Aprilis anno 2003. Penitioribus

quibusdam expletis inspectionibus, Consilium Medicum Dicasterii in sessione

habita die 14 mensis Octobris anno 2004 edixit sanationem meningitidis

acutae, simul cum propriis vastantibus consectariis, celerem, perfectam ac

constantem fuisse, et ex hodiernis scientiae medicae legibus inexplicabilem.

Die 28 mensis Iunii anno 2005, praehabita Inquisitione Suppletiva, actus est

Congressus Peculiaris Consultorum Theologorum, quorum positivam senten-

tiam die 19 mensis Februarii anno 2008 confirmaverunt Patres Cardinales et

Episcopi in Sessione Ordinaria, Ponente Causae Exc.mo D.no Petro Georgio

Nesti, Archiepiscopo em. Camerinensi-Sancti Severini in Piceno. Sive in Con-

gressu Consultorum sive in Sessione Cardinalium et Episcoporum ad quaes-

tionem utrum ageretur de miraculo a Deo patrato per intercessionem Beatae

Gertrudis, affirmativa responsio prolata est.

De his omnibus Summo Pontifici Benedicto XVI accurata facta relatione

per infrascriptum Cardinalem Praefectum, Beatissimus Pater vota Congre-

gationis de Causis Sanctorum excipiens rataque habens die infrascripto de-

claravit: Constare de miraculo a Deo patrato per intercessionem Beatae Gertrudis

Comensoli, in saec. Catharinae, Conditricis Congregationis Sororum Sanctissimi

Sacramenti, de sanatione nempe instantanea, perfecta et constanti pueruli Vasci