Acta Apostolicae Sedis - Commentarium Officiale406

Attenta hac sanctitatis fama, die 1 mensis Iulii anno 1946 apud Curiam

dioecesanam Luganensem incohatus est Processus Informativus qui conclu-

sus est die 25 mensis Martii anno 1964, quem secuti sunt Processus Rogato-

riales; eorundem iuridicam auctoritatem ratam habuit Congregatio de Causis

Sanctorum per Decretum publici iuris editum die 9 mensis Iulii anno 1982.

Exarata Positione, ut de more disceptatum est utrum Servus Dei virtutes

heroicum in gradum exercuerit. Positivo cum exitu, actus est die 30 mensis

Martii anno 2007 Congressus Peculiaris Consultorum Theologorum. Patres

Cardinales et Episcopi, in Sessione Ordinaria die 22 mensis Ianuarii anno

2008 congregati, audita relatione Ponentis Causae, Exc.mi D.ni Andreae

Mariae Erba, Episcopi emeriti Veliterni-Signini, agnoverunt Servum Dei Au-

relium Bacciarini theologales, cardinales eisque virtutes adnexas heroico gra-

du esse exsecutum.

De hisce omnibus absolutis rebus Summo Pontifici Benedicto XVI accu-

rata relatione facta per subscriptum Cardinalem Praefectum, Beatissimus

Pater vota Congregationis de Causis Sanctorum excipiens rataque habens

die infra signato sollemniter proclamavit: Constare de virtutibus theologalibus

Fide, Spe et Caritate tum in Deum tum in proximum, nec non de cardinalibus

Prudentia, Iustitia, Temperantia, Fortitudine eisque adnexis, in gradu heroico,

Servi Dei Aurelii Bacciarini, ex Congregatione Servorum a Caritate, Adminis-

tratoris Apostolici Luganensis, in casu et ad effectum de quo agitur.

Hoc autem Decretum Beatissimus Pater promulgari et in Acta Congre-

gationis de Causis Sanctorum referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis