Acta Benedicti Pp. XVI 431

Pannonia, traducta est, ubi duo ex eius fratribus periere. Postquam vero,

bello composito, Pietas Iulia finibus Italici Regni adiuncta est, res oecono-

mica prorsus iacere coepit, adeo ut ipsa Servae Dei domus sterneretur, dum

ceterum Histria universa factionum ordinumque contentionibus inflammaba-

tur. Hisce quidem angustiis hominum dignitas ope Sororum a SS. Cordibus

Iesu et Mariae maxime viguit, quae in valetudinariis, in asylis, in officinis

mulierum, in orphanotrophiis operam dare coeperunt.

Gravior facta est familiaris Annae condicio post annum 1920; quae qui-

dem res inopiam, sollicitudines, discordiam secum tulit. Illa vero, quippe

quae magis magisque ad sacram conversationem amplexandam alliceretur,

postquam perbrevi tempore aliquem sponsum habuit, triginta iam annos

nata, praecipitatis moris, quamvis propinqui saepius repugnarent, Pietatense

institutum Sororum Missionariarum a SS. Cordibus Iesu et Mariae ingressa,

sacrum tirocinium inivit, maluitque vocari Soror Tarsilla a Crucifixo.

Post primum annum, quo ipsa in tirocinium se contulit, cum ad valetu-

dinarium ministrandum delegata esset, naturali fastidio superato, tandem

ardenti caritate curandis infirmis operam dedit. Ceterum, etiam post sollem-

nia vota nuncupata eadem infirmorum ministrae munere fungi, in patria,

perseveravit; nec ullo modo sibi pepercit, dummodo infirmorum corpora et

animos curaret. Interea penetralis vita ei subtilior fiebat et confirmabatur.

Inter sorores humilis, simplex, comis erat; precandi studiosa, Deiparam Vir-

ginem summa religione colebat; semetipsam aliis condonare parata, fide in

Deum usque replebatur.

Studium, quo Soror Tarsilla constanter ac diligenter infirmis curandis

operam dedit, in altero populorum conflictu praecipue eminuit; quo compo-

sito, ipsa in locum Anxanum (Lanciano), in regione scilicet Teatina, migrare

iussa est, ut in domesticum auxilium incumberet atque pauperibus adesset.

Hisce vero temporibus, Summa Moderatrice iubente, librum De vita sua scrip-

sit. Tribus post annis eadem electa est in moderatricem parvi valetudinarii

Aliphani (Piedemonte d'Alife), in regione Casertana; ibique Sorores, pauper-

tate summaque indigentia despectis, ac potius Serva Dei exemplo hortante,

eiusque materna prudentia ductante, omnibus viribus atque opibus fidele ac

liberale ministerium fecerunt.

Interea morbi aliquot orti gravioresque facti sunt, qui gradatim acerbis-

simos dolores genuerunt. Cum iam, morbi sedibus mutatis, corpus deforma-