Congregatio de Causis Sanctorum 421

in exercendis theologalibus, cardinalibus eisque adnexis virtutibus heroicum

attigisse fastigium.

Facta demum de praedictis omnibus Summo Pontifici Benedicto XVI per

subscriptum Cardinalem Praefectum accurata relatione, Beatissimus Pater,

vota Congregationis de Causis Sanctorum excipiens rataque habens, die infra

signato declaravit: Constare de virtutibus theologalibus Fide, Spe et Caritate

cum in Deum tum in proximum, necnon de cardinalibus Prudentia, Iustitia,

Temperantia et Fortitudine eisque adnexis Servi Dei Mariani Roasenda ab Au-

gusta Taurinorum, Presbyteri professi ex Ordine Fratrum Minorum Capuccino-

rum, in gradu heroico, in casu et ad effectum de quo agitur.

Hoc autem Decretum Beatissimus Pater in vulgus edi et in acta Congre-

gationis de Causis Sanctorum referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis

FLAVIOBRIGEN.

Beatificationis et canonizationis Servi Dei Francisci a Passione Gondra Murua-

ga (in saec.: Victoriani) Sacerdotis professi Congregationis Passionis D.N.I.C.

(1910-1974)

DECRETUM SUPER VIRTUTIBUS

«Religiosus Regulae observator, viva Iesu Patientis imago, Rosarii Apos-

tolus indefessus. Vitam in servitium miserorum impendit » (cf. Summarium,

II, § 90, p. 40). Haec verba sunt inscripta super Servi Dei Francisci a Passio-

ne, Presbyteri e Congregatione Passionis Domini Nostri Iesu Christi, sepul-

turam et in coemeterio posita, quae efficacem vitae eius summam praebent.

Victorianus Gondra Muruaga in vico Libano de Arrieta, in dicione Bis-