1 8 Novemb r e 2 0 09 - 1 5 : 2 0 p a g i n a 4 4 3 e : / 0 6 9 2 _ 9/L a v o r o/Ac t a _mag g i o _ 9 . 3 d GRECCO

Congregatio de Causis Sanctorum 443

Aloisia, etsi adversam ob valetudinem perpauca exercere potuit munera,

qualia sunt exigua sutoriae et plumariae artis opera, orationi tamen se dedit

et lectioni operum spiritualium, et, quamvis saltuatim, fervore ducta ac per-

suasione, catechesim nonnullis pueris tradere, aegrotos egenosque invisere

consueverat, iisdem solamen ferens. Opera insuper communitaria et aposto-

lica promovit.

Apertum habuit sensum iugiter in conspectu Domini vitam gerendi, cuius

Providentiae constanti fiducia et spe firma se tradidit. Ad suam difficilem

condicionem obeundam ex Eucharistia peculiari modo fortitudinem hausit;

in ea fontem repperit vitae spiritualis, exemplum humilitatis et oboedientiae,

cardinem in quem tum eius personalis indoles tum spiritualis vita unificanti

congruentia se converterunt.

Summam coluit devotionem erga Virginem Mariam, cuius materno prae-

sidio se commendabat, Rosarium recitans et ieiunium aliquot diebus servans,

quam insuper laetanter ac sollicite imitandam curabat.

Ipsam apud scholam Virginis Perdolentis, Aloisia, passioni Iesu se con-

formans per actum reparationis pro hominum peccatis, continuos, incredibi-

les et augescentes dolores mutare scivit in oblationem Deo puram, incessan-

tem et heroicam. Ita dolores non tantum intrepido corde perferre potuit, sed

etiam interiore promptoque animo eos accipere, immo eos diligere uti signum

et instrumentum ad salvificam Christi et Ecclesiae missionem participandam.

Proprios defectus crescenti serenitate et agnovit et admisit; renuntiatio-

nes ob vitae statum interpretata est non uti gravem animi anxietatem, sed

uti plures occasiones gratiam saepe interius amplectendi.

Suo in oblativi doloris itinere Aloisia extraordinariam spiritualem attigit

maturitatem, facilem respuens tentationem dolentis egocentrismi coram ho-

minum defectionibus, ac detegens Vultum Amoris qui omnimode offertur et

absque condicione ad amorem attrahit. Hoc in amoris colloquio non defuerunt

exstaticae experientiae, visiones aliaeque formae divinae communicationis.

Ex sua paupere domo, quae in « sanctuarium doloris » mutata est, Aloisia

per viam Calvariae Iesum secuta est, cuius partes plene habuit Paschalis

mysterii: in eius humili et abscondita immo crucifixa vita, gloria Domini

revelata est.

Haec parva amoris victima Lyciae obiit die 21 mensis Maii anno 1922.

Fama sanctitatis, qua vivens fruebatur, inde ab obitus die magis magis-

que increbruit.