Congregatio de Causis Sanctorum 427

LUCEN.

Beatificationis et canonizationis Servae Dei Gemmae Magdalenae a Iesu Giannini

(in saec.: Euphemiae) fundatricis Congregationis Missionariae Sororum Sanctae

Gemmae Galgani (1884-1971)

DECRETUM SUPER VIRTUTIBUS

« I.X.P. Passionista, seu Passionis filia, in domo ubi beata Gemma Galga-

ni ultimos vitae suae annos vixit ac tanta recepit dona extraordinaria, ut

sancta loca illa a religiosis ipsis Passionis custodita sint » (cf. Estratto delle

prime idee di M. Gemma per la composizione della prima Regola dell'Istituto,

AGMSG, XIII, pp. 2542-2587). Quibus verbis Serva Dei spiritualitatem

suam uti membrum Passionistarum familiae atque mentis animique Gemmae

Galgani aemula perstrinxit, futurum Congregationis Missionariae Sororum

Sanctae Gemmae Galgani definiens charisma.

Venerabilis Serva Dei Lucae in Italia die 27 mensis Octobris anno 1884

nata est, tertia ex tredecim filiis, et iam insequenti die ad baptismalem fon-

tem ducta est, ad quem nomen accepit Euphemiae. Familia eius, profunda

religiositate informata, eam in navitate vitae christianae educavit: ceterum

in annis eius iuventutis domus illa a Servo Dei Germano Ruoppolo, e Con-

gregatione Passionis, saepius frequentabatur, et ubi ipsam sanctam Gemmam

Galgani recepit, quorum congressuum gratia adhuc puella Euphemia voca-

tionem ad vitam religiosam fovit.

In quodam horum congressum sancta Gemma eidem dixit: « Locum meum

in Calvario accipies », quod uti praedictio moderationis erigendi monasterii

Lucensis Passionistarum ab ipsa sumptae enarratur. Nam, Gemma Galgani

mortua, Euphemia adeo secum tantam animadvertit missionem, ut, fundato

monasterio, petierit ipsum ingredi.

Victis patris reluctationibus, clausurae ostium intravit die 8 mensis Ia-

nuarii anno 1906; dein, amicae illius et magistrae spiritualis memor, nomen

sumpsit Gemmae Magdalenae a Iesu et vota religiosa emisit. Tanta exinde

praestitit fama, ut iam anno 1908, licet periuvenis, magistra novitiarum

eligeretur, sed navitas ac deditio, qua consecrationem suam vixit, sicut et

severitas paenitentiae salutem eius paulatim confecerunt.