Congregatio de Causis Sanctorum 403

scientiam medicam hodiernam fuisse affirmavit. Die 30 mensis Octobris anno

2007 Congressus Peculiaris Consultorum Theologorum factus est et die

8 mensis Ianuarii anno 2008 Sessio Ordinaria Patrum Cardinalium et Epis-

coporum, Ponente Causae Eminentissimo Domino Angelo Cardinale Coma-

stri, Archipresbytero Pontificiae Basilicae Vaticanae, et in utroque coetu,

tam Consultorum, quam Cardinalium et Episcoporum, posito dubio an de

miraculo divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven. Servi

Dei Iosephi Olalli Valdés, Religiosi Professi ex Ordine Hospitalario Sancti

Ioannis de Deo, videlicet de celeri, perfecta ac constanti sanatione puellae

Danielae Cabrera Ramos a « linfoma addominale, non Hodgkin, tipo Burkitt,

stadio III ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis

LUGANEN.

Beatificationis et canonizationis Servi Dei Aurelii Bacciarini, ex Congregatione

Servorum a Caritate, Administratoris Apostolici Luganensis (1873-1935)

DECRETUM SUPER VIRTUTIBUS

« Creatus sum uti testis coram hominibus. Ex me pendebit ut Christus aut

excipiatur aut respuatur: aut ex lumine, aut e tenebris meis. Fides mea

inexorabilis fit meiipsius iudex ».