1 8 Novemb r e 2 0 09 - 1 5 : 2 0 p a g i n a 4 4 1 e : / 0 6 9 2 _ 9/L a v o r o/Ac t a _mag g i o _ 9 . 3 d GRECCO

Congregatio de Causis Sanctorum 441

vestigia, acerrimis doloribus comitantibus, palmis plantisque exstiterunt;

denique sudor eius, ut ipsi Iesu acciderat, aliquando fiebat sicut guttae san-

guinis decurrentis in terram; postremo anima eius interdum per plurium

horarum spatium tristis erat usque ad mortem, vel prorsus mens excessu

rapiebatur. Cum igitur tamquam holocaustum in odorem suavissimum offer-

retur, vita adulescens igne divinae indulgentiae combusta est, adeo ut ipsa

per extremos suae vitae menses pabulo dumtaxat eucharistico plane refice-

retur.

Ab omnibus complorata Margarita supremum diem obiit die 30 mensis

Ianuarii, anno 1919. Frequentes undique Maioricae insulae in funus vene-

runt, in adulescentem « victimam caritatis » amoris et honoris et admirationis

fidem facientes.

Eapropter, cum Famula Dei sanctitatis opinione, eaque pervagata, flore-

ret, Maioricae a die 21 mensis Novembris, anno 1984, ad diem 8 mensis

Octobris, anno 1986, scilicet ad recipiendum et perficiendum Ordinarium

Processum, qui ab anno 1969 ad annum 1976 conditus erat, Inquisitio Dioe-

cesana instructa est; cuius vim Congregatio de Causis Sanctorum ratam ha-

buit per Decretum die 12 mensis Iulii, anno 1991, latum. Positione confecta,

more traslaticio disceptatum est num Dei Ancilla virtutes heroicum in mo-

dum exercuisset. Die autem 22 mensis Septembris, anno 2006, habitus est,

felici quidem cum exitu, Congressus Peculiaris Consultorum Theologorum.

Deinde vero Patres Cardinales et Episcopi, in Ordinaria Sessione die 19 men-

sis Februarii, hoc anno, habita, audita relatione Exc.mi D.ni Xaverii Eche-

varrı́a Rodrı́guez, Episcopi tit. Cilibiensis, Praelati Praelaturae personalis

Sanctae Crucis et Operis Dei, Causae Ponentis, agnoverunt Margaritam

Amengual Campaner, Dei Famulam, theologales et cardinales iisque adnexas

virtutes, heroicum in modum exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Beatissimus Pa-

ter, vota Congregationis de Causis Sanctorum excipiens rataque habens, sub-

signata die sollemniter declaravit: Constare de virtutibus theologalibus Fide,

Spe et Caritate tum in Deum tum in proximum, necnon de cardinalibus Pru-

dentia, Iustitia, Temperantia et Fortitudine, iisque adnexis, in gradu heroico,

Servae Dei Margaritae Amengual Campaner, iuvenis laicae, in casu et ad effec-

tum de quo agitur.