Congregatio de Causis Sanctorum 399

Ricchini a «meningite acuta da Haemophilus Influentiae, complicata da un

danno cerebrale documentato e da una sindrome multi-organo ».

Summus Pontifex hoc Decretum publici iuris fieri et in Acta Congrega-

tionis de Causis Sanctorum referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S.

e Michaël Di Ruberto archiep. tit. Biccarensis, a Secretis

VIGLEVANEN.

Beatificationis et canonizationis Ven. Servi Dei Francisci Pianzola presbyteri

dioecesani, conditoris Congregationis Sororum Missionariarum ab Immaculata

Regina Pacis (1881-1943)

DECRETUM SUPER MIRACULO

Venerabilis Servus Dei Franciscus Pianzola in oppido Sartirana Lomelli-

na, Provinciae Ticinensis, natus est die 5 mensis Octobris anno 1881. Persen-

tiens vocationis signa ad ministerium ordinatum, duodecim annos natus Se-

minarium dioecesanum ingressus est et, quamvis quibusdam valetudinis

affectus difficultatibus, die 16 mensis Martii anno 1907 presbyteratus ordine

est insignitus. Rector nominatus Sanctuarii Immaculatae Virginis in urbe

Vigevano, Franciscus parvum secum duxit agmen presbyterorum, qui Patres

Oblati dicuntur, ad itinerantem magni ponderis apostolatum inter rurales

regiones provehendum. In his quidem versans adiunctis, Servus Dei inspira-

tione ductus est ut religiosum conderet Institutum, mulieribus maxime in-

tentum in hoc sociali ambitu operantibus, quae haud raro abiciebantur et

abusibus cumulabantur. Sic ortae sunt Sorores Missionariae ab Immaculata

Regina Pacis, quarum est per solidarietatis et participationis incepta, per

assistentiam spiritualem et officium caritatis validum exhibere testimonium.

Servus Dei, diabetico morbo percussus, die 4 mensis Iunii anno 1943 in oppi-