Acta Apostolicae Sedis - Commentarium Officiale420

ciae, ubi nomen assumpsit Mariani, qui, expleto consueto formationis curri-

culo, Romae perpetua vota emisit. Anno 1945, undequadraginta aetatis an-

nos agens, sacro presbyteratus ordine est insignitus.

Inter prima eius pastoralia opera recensetur munus cappellani apud va-

letudinaria et carceres, atque magistri tum apud quoddam lyceum statale in

Urbe, tum apud capuccinum Collegium Viterbiense. Per integrum sacerdota-

lis vitae stadium assiduum quoque ministerium explicavit sacramenti Recon-

ciliationis. Potissimum tamen, in ambitu praedicationis, quam ferventer ac

competenter exercuit, magis in dies specificum perfecit charisma in servitium

Verbi Dei. Hoc in explendo munere Pater Marianus haud communes profudit

dotes artis oratoriae et communicationis, simplicitatis et efficientiae in genere

dicendi, ac sensibilitatis ardenter conversae ad novas existimandas evange-

lizandi formas. Ita accidit ut statio radiophonica, cinema ac praesertim tele-

visio peculiarem illi constituerent cathedram, unde nuntium «Pax et Bo-

num! » diffunderet, cum simul subridentem vultum pergrate ostenderet,

veluti externum eius altissimae cum Domino communionis signaculum. Ac-

cedens ad nova socialis communicationis instrumenta criticum simul ac crea-

tivum se praebuit: bene enim advertebat ingentem vim persuasionis hodier-

nae technologiae, qua ille reverenter utebatur ad spectatores quod attinet,

quos quidem eleganti mansuetudine hortabatur ad morales et religiosos va-

lores ponderandos, eo ipso tempore quo societas maxime ob nascentem ni-

mium rerum usum in acutum discrimen prolabebatur.

Perintentus Patris Mariani apostolatus ex abrupto intermissus est: gravi

nempe morbo correptus, exemplaris frater capuccinus, qui iam non solum

omnium existimatione, sed etiam vera sanctitatis fama fruebatur, Romae

morte oculos clausit die 27 mensis Martii anno 1972.

Hanc ipsam propter famam Inquisitio Dioecesana Romae instructa est a

die 5 mensis Iulii anno 1988 ad diem 11 mensis Maii anno 1991, cuius iuridi-

cam vim Congregatio de Causis Sanctorum approbavit per Decretum vulga-

tum die 22 mensis Ianuarii anno 1993. Exarata Positione, disceptatum est,

uti de more, utrum Dei Servus virtutes heroico gradu exercuerit. Congressus

Peculiaris Consultorum Theologorum die 29 mensis Septembris anno 2006

faventem tulit huiusmodi sententiam. Patres Cardinales et Episcopi in Ses-

sione Ordinaria die 19 mensis Februarii anno 2008 congregati, audita relatio-

ne Ponentis Causae, Exc.mi D.ni Andreae Mariae Erba, Episcopi emeriti

Veliterni-Signini, agnoverunt Servum Dei Marianum Roasenda a Taurinis