Congregatio de Causis Sanctorum 411

culturali et professionali curae dicatum tot iuvenum mulierum, quae, prove-

nientes ex simplici rustica gente, tamquam cooperatrices domesticae immit-

tebantur in familias progredientis ordinis socialis; earum praesentia subsi-

dium, eodem tamen tempore problema constituebat tam pro seipsis quam

pro nucleis familiaribus ubi excipiebantur.

Fundamentum huius intuitivae visionis, simul cum actione divinae gra-

tiae, haud dubie humana et spiritualis evasit experientia, quam Servus Dei

assumpserat e sinu familiae, christianae non solum ex maiorum consuetudine,

verum etiam peculiariter ex persuasione. Postero tempore Opus annexum est

Instituto Saeculari Cooperatricum Familiae et ab hoc ipso spiritualiter suf-

fultum. Consecratio, saecularitas et apostolatus fermenta sunt quae Dominus

Ioachimus in has ecclesiales associationes infudit, quae, verbo quoque nutri-

tae, spirituali moderamine nec non assiduo conditoris exemplo, confirmatae

sunt et varias in dioeceses gradatim sparsae, ingentes sub spirituali et etiam

civili aspectu fructus edentes.

Diversa inter instrumenta quibus Servus Dei usus est ad actionem pasto-

ralem conformandam in familiae utilitatem, luculenter patet series publica-

tionum, quae christianarum virtutum necessitudinem cum argumentis nos-

trae aetatis nitido et communicabili sermone proferunt. En illius huiusmodi

sententia: « ope typographicae artis veritatem Evangelii in eas regiones dif-

fundere poterimus quo nosmet ipsi accedere nequimus ».

Spirituale iter Domini Ioachimi insignitum est valido studio perfectionem

acquirendi, quam inde a pueritia excoluit: munificus ut ad gratiam respon-

deret, voluit esse ut Iesus Sacerdos et Victima praesertim per spiritum ora-

tionis, per eucharisticam celebrationem, per vitam oblationis; eius spontanea

et genuina fides ferventem promovit caritatem erga omnes, peculiarem in

modum erga classes sociales eius sedulo servitio magis indigentes; modus

quo vitam ducebat, humilis, austerus et integer, efficiebat ut eum credibilem

redderet testem eorum quae proclamabat. Prae innumeris aerumnis quas

pertulit, Servus Dei fortem se ostendit ac serenum, omnino promptum et

spe plenum, immunem a qualibet specie lucri vel aggressionis.

Mors Domini Ioachimi die 13 mensis Martii anno 1966 ex improviso eve-

nit apud valetudinarium Olisiponense, quo antea ob viarium infortunium

exceptus erat. Funeris occasione, ingentes factae sunt manifestationes vene-

rationis et obsequii erga illius exuvias, quod indicium exstitit famae sancti-

tatis qua ipse vivens fruebatur et quae post eius obitum paulatim increbruit.