99. De s. Wilhelmo Bituricensi.

In 1. Vesperis.

R. O Wilhelme, pastor bone,
Pie pater et patrone,
Constans, verax In sermone.
Sub tua protectione
Confugimus,
Per te salvari petimus
Sancta Intercessione.

V. Nos ergo, qui confidimus
In tua virtute,
Humiliter deposcimus,
Intercedas pro omnium
Errantium salute.

Prosa.

Protectorem sentiamus
Te gregis dominici,
Nos qui tuam Imploramus
Opem corde simplici;
Fac, ut apud Dominum,
Qui vult vitam hominum,
Excuset oratio,
Quod accusat actio;
Servos serva supplicantes,
Ut In fide sint constantes
Sancta Intercessione.

Ad Magnificat.
A. Magnum et mirabilem.
Parvum Ineffabilem,
Excelsum et humilem
Magnificare decuit
Christum, qui formam Induit
Factus homo servilem.

Ad Matutinum.
Invitatorium.
Adoretur et laudetur
Verbum patris factum caro,
Militique suo caro
Triumphanti laus debetur.

In 1. Nocturno.
Antiphonae.
1. Vir beatus Irrigatus

Aquis sapientiae

Ab Impiis consiliis

Abstinuit

Nec sedere voluit

In sede pestilentiae.
2. Constitutus praedicator

Praeceptorum Domini,

Verbi Dei seminator

Offert totum se devotum

Sancto Christi nomini.
3. Tu susceptor exsultantis,

Gloria tu militis,

Jesu Christe, sanctus Iste

Meretur se exaltantis

Membrum esse capitis.

Responsoria.
1. Exsultemus celebrantes,
Celebremus exsultantes
Sancti natalitia
Sacerdotis,

Postulemus supplicantes,
Ut quiete temporum
Et salute corporum
Concessis,

Ejus prece praevia
Praestet pater luminum
Veniam peccaminum
Gravi moli criminum
Oppressis.

V. Dies Ista celebris,

Dies digna gaudio,

Qua purgemur tenebris

Et ab omni vitio.
2. Felix ortu Gallia

Gaude tanti praesulis,

Qui exortus claruit

Illustri prosapia,

Cujus famae gloria

Claris longe titulis

Enituit,

Quod satis Innotuit

Ipsum declarantibus

Sequentibus

Signis et miraculis.
V. Gloriosi militis

Precibus et meritis,

Precamur, nos adjuvari,

Culpas graves relaxari.
3. Dum adhuc puerulus

Esset Christi miles,

Non egit ut parvulus

Actus pueriles,

Corde senex sed puer corpore

Sacra sacro condebat pectore

Dominica praecepta,

Mente sedula,

Aure bibula

Attentius percepta.
V. Sacris litteris Imbutus,

Novum hominem Indutus

Mundum despexit Impollutus.

In 2. Nocturno.
Antiphonae.
1. Innocens vir Iste Christum

Orat flexis genibus,

Exaudivit Christus Istum

Suis favens precibus.
2. Verba sancti percipit

Clamorem Intelligens,

Quem rex regum diligens

Regno suo recipit.
3. Sanctum Christus coronavit

Honore cum gloria

Et eundem collocavit

In coelesti patria.

Eesponsoria.
1. Praeclarus genere,
Clarior moribus,
Relictis omnibus
Pro Christo paupere,
Nolens succedere
Paternis opibus,
Amplis honoribus
Et dignitatibus
Mundanis, cedere
Non fuit veritus,
Quamvis non territus
Honorum onere.
V. Caducis non figitur
Rebus mentis oculus,
Nudus nudum sequitur
Magistrum discipulus.

2. Se non tantum auditorem
Verbi Dei sed factorem
Wilhelmus exhibuit,
Transgredi qui potuit
Se nunquam constituit
Sanctae legis transgressorem,
Eremum dum coluit,
Imitari studuit

Sanctum Christi praecursorem.
V. Elongavit fugiens
Ut In solitudine
Maneret
Serviens
Et monachali
Districto sub ordine
Lateret.

3. Abjecto fastu saeculi

Insudat ejus operi,

Quem mundi solum oculi

Merentur Intueri;

Deum placat atque vacat

Jugis ejus oratio,

Preces fundens se recondit,

Se recondens fletus fundit,

Sic orationem condit

Fletibus devotio.
V. Rigat ora lacrimis

Uberrimis

Orans In cubiculo.

In 3. Nocturno.

Antiphonae.

1. Habitabit In tabernaculo
Sancto Dei migrans a saeculo
Vir egressus carnis ergastulo.

2. Voluntate labiorum

Non fraudasti, quem creasti
Tuum, Christe, militem,
Qui tuorum mandatorum
Non excessit limitem.

3. Replet pacis filium
Dei benedictio
Assecutum bravium
Currens In stadio,
Nam Deum quaerentium
Haec est generatio.

Responsoria.

1. Vir Invictus et afflictus
Jejuniis, vigiliis
Aliisque variis
Et jugibus
Carnis cruciatibus
Jam roborato spiritu,
Nullo vacillans ambitu,
Deo dante vocatas
Invitus

Rapitur et trahitur
Ad culmen praesulatus,
V. Neve lucerna lateat
Absconsa sub modio,
Sed In domus medio
Lumen Intranti pateat.

2. Non Immutat mentis statum

Pastoralis dignitas,

Quia regens cor beatum

Servatur humilitas;

Haec est enim Inclita,

Hostibus Indomita,

Illa sancta civitas

Supra montem posita.
V. Docens legem pastor gregem

Pascit vitae pabulo,

Contemplatur regum regem

Mundo cordis oculo.

3. Sepulto venerabili

Patre die dominica,

Tempore, quo cum humili

Devotione mystica

Reges Tharsis obtulerunt

Regi nato munera,

Ad sepulchrum convenerunt

Sancti plebs Innumera,

Tamquam nova processisset

Et novum quid ostendisset

Stella fulgens altera.
V. Ad orientem prima

Stella magos perduxit,

Et ad occasum alia

Stella nobis Illusit.
Prosa.

Catervatim Irruerunt

Ad sepulchrum populi

Et recepta redierunt

Sospitate singuli.

Aegros sanat et languentes,

Expellit daemonia,

Sanos reddit, quorum mentes

Evertit Insania.

Ad extremas partes mundi

Lucent ejus opera,

Eaec est Igitur, quam misit

Nobis Deus, nec permisit

Lucis radios abscondi,

Stella fulgens altera.

In Laudibus.
Antiphonae.

1. Regnat Deus deorum
Quem fortem et decoram
Et sequitur et fruitur
Lucerna confessorum.

2. Portas ejus Introivit
In confessione
Sanctus, quem quaesivit
Pura cordis Intentione.

3. Justi replevit animam
Caritatis pinguedine,
Perfusa luce maxima
Deum videt In lumine.

4. Hymnum Deo dicat
Coetus sacerdotum,
Regi regum reddat
Debitum et votum.

5. Coeli, terrae conditorem
Laudent ejus opera,
Sedis ejus qui pastorem
Provexit ad sidera.

Ad Benedictus.

A. Benedictus rex Invictus,

Deus Israelis,
Verbum misit, quod promisit

Descendens de caelis,
Incarnatum, nuntiatum

Per os Gabrielis;
Per quem sursum sublimatur
Et hac die coronatur

Sacerdos fidelis.

In 2. Vesperis.

Ad Magnificat.

A. Magnificetur Dominus,
Qui quando venit terminus

Nostrae redemptionis
Servilem formam Induit,
Exsolvit, quae non rapuit,
Servos suos eripuit

De manu Pharaonis;
Qui tantum praesulem,
Nobiscum exsulem,

Sanctis adjungi voluit

Patribus et patronis.