68. De sancto Hidulpho.

In 1. Vesperis.
Ad Magnificat.
A. Gloriosa pii patris
Hidulphi solemnia
Toto corde veneretur

nunc praesens ecclesia,
Per quem vera mereamur
adipisci gaudia.

Ad Matutinum.

Invitatorium.

Semper adoremus

Christum, veneremur, ame-
mus,
Hidulphus per quem

Mundi contempsit amorem.

In 1. Nocturno.
Antiphonae.
1. Vir beatus impiorum
declinans consilium
In divina lege suum
adhibebat studium.
2. In honore disciplinae
cum Deo servierit,
Non timebit sed confidet,
dum iratus venerit.
3. Invocantem exaudivit
hunc Deus justitiae
Et ostendit illi bona
in pace et requie.

Responsoria.

1. Rex coetorum, chorum nostrum

da sinceris mentibus
Hoc praeclaro festo tuis

interesse laudibus,
V. Fac nos, Christe, vitiorum

expiatos sordibus.
2. Diem festum hunc festive

studeamus colere,
Quo processit corporali

Hidulphus e carcere,
V. Hodierno sempiternum

possimus acquirere.
3. Hic praeclarus ex praeclaris

exortus natalibus
Genus suum venerandis

decoravit moribus,
A. Adolescens Informatus

doctrinis scholaribus.

In 2. Nocturno.
Antiphonae.

1. Scuto bonae voluntatis
munitus a Domino
Adstabit hic et videbit
eum sine termino.
2. Mirabile nomen tuum,
Deus, laudent omnia,
Qui honore sanctum tuum
coronas et gloria.

3. Confidentem in se Christus
ad hanc traxit gloriam,
Cujus vidit aequitatem,
dilexit justitiam.

Responsoria.
1. Quia mundi blandimentis
vanitatem respuit,
Inter pares et coaevos
ut sidus emicuit,
V. In amorem conditoris
dum totus incaluit.

2, Praesulatum Treviorum

fugiens elabitur,
Sed reductus, velit, nolit,

antistes efficitur,
V. Plebs devota fugientem

ardenter insequitur.

3. Omni die defunctorum
agebat memoriam
Et divinam exorabat
pie his clementiam

V. Salutarem et pro vivis
immolabat hostiam.

In 3. Nocturno.
Antiphonae.
1. Loquebatur veritatem
vivens sine macula,
Habitabit et quiescet
in coelis per saecula.

2. In virtute tua, Deus,
hic sanctus laetabitur,
Cui dierum longitudo
cum vita tribuitur.
3. Mundo corde scmper orat
nec dolum exercuit,
Hinc a Deo salutari
benedici meruit.

Responsoria.

1. Pastoralem demum sedem
pro Christo deseruit
Et in loco Mediano
pauper Christi latuit,

V. Votum vetus sed dilatum
adimplere studuit.

2. Multi vitam inquirentes

erepti de saecalo
Adhaerere Dei magno

decrevere famulo,
V. Tunc Johannes et Benignus

Cuvronites cum Spinulo.

3. Deodatus viro Dei
per visum aparuit,
Et, quod finis vitae ejus
instaret, edocuit

V. De coelorum cura sanctum
vir sanctus praemonuit.

Ad Laudes.

Antiphonae.

1. Dum decorem puritatis
se praecingens influit,
Sedem tuam, dominator,
hic parare meruit.

2. Omnis terra jubilando
tibi, Christe, serviat,
Cujus vultus hunc de sua
visione satiat.

3. Hic sitivit, rex, ut tuam
inveniret gratiam
Et accepit, ut videret
virtutem et gloriam.

4. Universa creatura

benedicat Dominum,
Qui vocavit hunc in sortem
beatorum agminum.

5. Laudet illum ordo rerum,
laudet omnis spiritus,
Cui sanctorum servit chorus
ex amore subditus.

Ad Benedictus.

A. O confessor venerande,
Jesu Christi vernula,

Fac nos illi sic placere
tua prece sedula,

Ut cum ipso mereamur
gaudere per saecula.

In 2. Vesperis.
Ad Magnificat.
A. O sacerdos almiflue,
Gemina lucis perpetuae

Servis in te sperantibus
Sacris adesto precibus,
vitae posce suffragium,
Finem malorum omnium.