72. De sancto Magno.

In 1. Vesperis.
Antiphonae.
1. In hymnis fidelium
vox pulset coelestia,
Magni dum recolitur
martyris victoria.
2. Duplicis martyrii,

quem probat constantia:
Tam mortis supplicium,
quam carnis munditia.
3. O res mira, juvenis
virginis cubiculo
Annis decem floruit
castitatis titulo.
4. Immolandus paulo post
redit ab exsilio
Futurorum praescius
divino praesagio.
5. More Christi traditus
falso pacis basio,
Innocens occubuit

gravis hostis gladio ;
Astra scandens superum
sic migrat de proelio
Cum palma martyrii

et pudoris lilio.
Qui vixit decem annis

in thoro cum virgine,
Virgo castus, Magnus martyr,

grato Dei munere,
Poscat nobis ab eodem
secum semper vivere.

R. Alme Dei miles,

tua festa tuere colentes,
Arehadis alme comes,

digne rege te venerantes,
Pelle, pater, pestes.

nostras pius ablue sordes,
V. Funde preces, tecum

regnemus ut omne per aevum.

Ad Magnificat.
A. Lux dicata Magni martyrio
Instat, jugi colenda gaudio,
Qua mutatur grato commercio
Mors In vitam, In plausum

passio.
O mors felix, cujus supplicium
Vitaeredditaeternaepraemium.

Ad Matutinum.
Imitatorium.

Sancti Magni

colentes solemnia
Regis regum

laudemus magnalia.

In 1. Nocturno.

Antiphonae.

1. Magnus ex prosapia
magna procreatus,
Actu, vita, moribus
major est probatus.

2. Praedis vacans primitus
pravorum instinctu,
Ut Paulus convertitur
in viae procinctu.
3. Saulus ecce Paulus fit,
praedo fit patronus,
Persecutor factus est
plebis rector bonus.

Responsoria.

1. Nova mundo resultat gloria,
Sancti Magni plaudens victoria,
Qua exsultat coelestis curia;

V. Gaudet tellus, felix Archadia,
Novae lucis refulgens gratia.

2. Mali bonos solent pervertere,
Quibus victus primaevo tempore
PraedisMagnus coepit insistere.

V. Sed electum Deum eripere
Non moratur de mortis foedere.

3. Magnus praedo mutatur penitus,
De raptore fit pater inclitus,
Agnus redit ad caulam perditus.

V. Sacri plenus afflatu spiritus
Gregem regit hic vervex red-
ditus.

In 2. Nocturno.
Antiphonae.
1. Vir sanctus in comitem
digne sublimatus,
Carnem per continuos
domat cruciatus.
2. Justus, pius, humilis,
largus et modestus,
Ipse suis praefuit
exemplis honestus.
3. Magnus inter ceteros
gratia divina,
Plenus fulsit veluti
stella matutina.

Responsoria.

1. Praeter carnem in carne vivere
Studet Magnus divino munere
Miro paene se domans genere.

V. Annis decem in thoro virginis
Labe carens mansit libidinis.

2. Hako Magni terras et praedia
Sibi subdens Invasit omnia,
Contra mitem furit Insania;

V. Nulla Magnus fractus Injuria
Cuncta perfert mira constantia.

3. Cessit Magnus furentis odio,
Rex Anglorum quem sumptu

regio
Suo digne fovet palatio.

V. Anni redit transacto spatio
Nutu Dei tutus martyrio.

In 3. Nocturno.
Antiphonae.
1. Vir sanctus ad propria
reversus componit
Cum Hakone perfido,

qui fraudem disponit;
Expetit ecclesiam,

qua fraude comperta,
Paratus hostiam se
Christo fert spe certa.

2. Hostem turbat comitis

mora salutaris,
Hostia dum refici

exspectat altaris;
Sanctum trahunt, rapiunt

templum Irrumpentes,
Sacro plenum pabulo

extrahunt amentes.

3. Hakonis presentiae

Magnus prasentatur,
Sitit agni sanguinem

lupus fore satur,
Protulit sententiam,

ut morti tradatur,
Et lictori traditur,

ut hanc sequatur.

Responsoria.

1. Nova Judae regnat perfidia,
Alter Abel fratris Invidia
Ruit, victor regnat In gloria,
Plangens Ista plaudit Archadia.

V. Hako Magno sub pacis basio
Mortem parat fraudis consilio.

2. Hostis movet Magni collegium
Propulsare zelus nefarium,
Sanctus victor, quam ferre

taedium,
Mavult gratis pati martyrium.

V. Servis pacem laetus obtinuit,
Dum grex abit, pastor occubuit.

3. Jesu pie, nos Magni precibus
Noxae reos absolve nexibus,
Condemnati carnis operibus
Ne privemur supernis sedibus.

V. Mentes nostras Illustra mori-
bus,
Pacem dona nostris temporibus.

Ad Laudes.
Antiphonae.
1. Favus stillans frangitur
mellis dans dulcorem,
Mala quaeque fugiunt
cujus per odorem.
2. Vir sanctus occiditur,
cujus dant stuporem
Signa, caecos luminat,
temperat furorem.

8. Surdi, muti precibus
Magni reparantur,
Claudis datur sanitas,
leprosi mundantur.
4. Ferro vincti martyris
ope relaxantur,
Naufragantes nexibus
mortis liberantur.
5. Fit moestis laetitia,
aegris medicina,
Spes firma periculis,
salus In ruina.

Ad Benedictus.
A. Magne pater, conforta flebiles,
Ope pia sustenta debiles,
Casu mortis erige fragiles,
Regno vitae ne simus exsules.

In 2. Vesperis.
Ad Magnificat.
Salve, Magne, martyr egregie,
Miles Christi, cultor justitiae,
Plebis rector, tutor ecclesiae;
Salve felix comes Archadiae,
Fac nos tuae consortes glnriae.