77. De sancto Servatio.

In 1. Vesperis.
Antiphonae.

1. Alto parentum sanguine
Servatius Armeniae
Eluxerat e finibus
Ut magni solis radius.

2. Praeceptorum coelestium
Praedicator per angelum
Directus est ad exteros
Flagrans totus ad superos.

3. Tungris pastore vidua,
Longo luctu dissoluta,
In hoc rerum articulo
Visitatur a Domino.

4. Electionem praesulis
Plebs orbata septem annis
Pari tractat consilio
Die collecta placito.

5. Adest pauper Servatius,
Dives divinis opibus,

Artus sustentans baculo
Quasi jam fessus senio.

R. Romam oratum veniens
Innotuit per evidens
Lumen divinae gratiae
Cum sanitatum munere,

V. Quasi sol inter nebulas
Sic per eum effulserat.

Ad Magnificat.
A. Exsultet omnis spiritus
In Servatii laudibus,
Cujus beatum spiritum
Ad supernum collegium
Assumpsit Christus hodie
Quem pro nobis oret pie.

Ad Nunc dimittis.
A. Ecce cunctis videntibus
Apparuit et angelus
Ad pastoralem baculum
Ipsum vocans Servatium.

Ad Matutinum.
Invitatorium.

In laudem Domini

resonent vox, carmen et
hymni,
Ut vigiles animos

foveat Servatius heros.

Ad Nocturnum.

Antiphonae.

1. Ecce, qui in lege

Domini jugiter meditatus,
Fertile ceu lignum

dedit hic in tempore fructus.

2. Servus erat Domini

praesul Servatius almus,
Praedicat hic populis
divini verba timoris.

3. Milia non timuit

populi patriam populantis,
Nam Dominus hunc prae-
veniens
in pace quievit.

Responsoria.

1. Sacerdos Christi Inclitus
Ortus mundo Servatius
Prima aetatis tempora
Ornavit abstinentia

V. Contentus semel In die
Cibo matris ab ubere.

2. Adolescens spectabilis
Secessit, Jerosolymis
Sollicitus vestigia
Perlustrare Dominica.

V. Contemptor hic terrestrium
Spem captabat coelestium.

3. O praesulum clarissime,
Servati sacratissime,
Aeterno regi supplica,
Ut nostra regat tempora;

V. Serva tuo precamine

Christi redemptos sanguine.

Ad Laudes.
Antiplionae.

1. O fortunatum o senem,
Apostolis non Imparem,
Cujus vita magnifica
Et mors erat pretiosa.

2. Expansis coelo manibus
Hora nona cum precibus
Triste reliquit saeculum
Migrans ad patrem luminum.

3. Splendor inaestimabilis
Corpus defuncti praesulis
Miranda luce vestiit
Et basilicam complevit.

4. Odor Ibi suavissimus,
Omnium spirans naribus,
Omne genus aromatum
Et omne vincit balsamum.

5. Laus In excelsis Domino,
Quem laudat In Servatio
Supernorum concentuum
Compar melos In saeculum.

Ad Benedictus.
A. In sanctitate Domino
Serviamus altissimo,
Ut servatos a peccatis

Concedat cum Servatio
Canticum suae gloriae
In aeternum personare.

In 2. Vesperis,
Ad Magnificat.
Inclite Servati,

sicut modo cernere Christum

Es meritus, sic Ista tuos

post saeeula servos
Cernere perficias,

requies ubi summa laborum
est.
Laus patri genitaeque proli

cum flamine sancto.