10. De corona spinea.

In 1. Vesperis.
Antiphonae.
1. Adest dies laetitiae,

Quo diadema spineum
Commendatur memoriae
Christi cruore roseum.
2. Summum regem gloriae
Spinis coronatum
Ridet plebs perfidiae
Morti condemnatum.
3. O quam felix punctio,
Quam beata spina,
De qua fluxit unctio,
Vitae medicina.

4. Pungens spina vulnerat
Christum patientem
Et a morte liberat
Populum credentem.

5. Spinae rubent sanguine
Christum cruentantes,
Mundum lavant crimine
Coelum reserantes.
R. Felix spina, cujus aculei
Guttis rubent roris sanguinei,
Vires frangunt regis tartarei,
Seras pandunt regni siderei;
V. O spinarum Immensa gloria,
Quae tot nobis praestant re-
media.

Ad Magnificat.

A. O decus ecclesiae,

Spina salutaris,
Decor nostrae patriae

Et spes singularis,
Congaudentes gloriae

Tuae tuearis.

Ad Matutinum.
Imitatorium.

Diadema spineum
Christi collaudemus

Sanguinemque roseum
Ejus adoremus.

In 1. Nocturno.
Antiphonae.

1. Christum sub serto spineo
Deridet plebs perfidiae,
Cujus cruore roseo

Sertum confertur gloriae.
2. Spinas flos sustinuit,
Flos aetemitatis,
Vitam vita tribuit
Morte morti datis.
3. Nos a mortis nexibus
Christus liberavit
Et confractis viribus
Mortis mortem stravit.

Eesponsoria.
1. Salve, salus patriae,
Mundi medicina,
Serti regis gloriae
Speciosa spina,
Salvos nos In acie
Serves a ruina;
V. Laudantes hodie

te vivere da sine fine.

2. Flos de flore floruit
Deus majestatis,
Mundus hoc refloruit

Flore dignitatis,
Spinas flos sustinuit
Nostris pro peccatis ;
V. Nobis condoluit

flos summae nobilitatis.

3. Spina spinae jungitur,
Sertum praeparatur,
Flos spineti pungitur.

Spinis coronatur,
Virgis, palmis caeditur,
Caesus morti datur;
V. In cruce dum moritur,

homini coelum reseratur.

In 2. Nocturno.
Antiphonae.

1. Quae repellit vitia,
Felix est punctura,
Et quae digna praemia
Justis dat futura.

2. Rex ad bellum properat,
Caput tegit spina,
Crucem portat, superat
Hostem VI divina.
3. Regni rex aetherei,
Tecum fac laetari,
Quos de parte spinei
Serti das ditari.

Eesponsoria.
1. Dum Christus a crimine
Mundum emundavit,
Suo sacro sanguine
Spinam hanc sacravit,

Sanguinis ex flumine
Victor triumphavit ;
V. In serto spinae

mortem moriens superavit.

2. In figuris pluribus
Sertum figuratur,
Inter vepres cornibus

Haerens demonstratur
Aries, sic sentibus
Christus coronatur;
V. Pravorum manibus

sua sancta corona paratur.

3. Populus periidiae

Speculum sanctorum
Sputis immunditiae
Fecit Indecoram,
Vincit auctor gloriae
Regem Inferorum ;
V. Vincens In facie

fert spinam spes miserorum.

In 3. Nocturno.

Antiphonae.

1. Coelestis militiae

Regem Incarnatum

Ridet plebs perfidiae

Spinis cruentatum.

2. Spina Christum graviter
Coronatum pungit.
Poena Christi dulciter
Se laudantes ungit.

3. Felix est conditio
Gloriosae spinae,
Cujus confert punctio
Vitam sine fine.

Responsoria.

1. Spina summum vulnerat
Ovium pastorem,
Ut per spinam conterat

Gregis Invasorem,
Gratias grex referat
Laudans salvatorem,
V. Hostem qui superat,

proprium fundendo cruorem.

2. Sertum regum aureum
Respuit salvator,
Vincens portat spineum

Regum Imperator,
Sceptrum arundineum
Mundi fert creator;
V. Regnum tartareum

spoliat mundi dominator.

3. Flos de coelo prodiit
Late dans odorem,
Mundum mundus adiit

Mundi spernens florem,
Spinam, crucem subiit
Nostram ob amorem ;
V. Ad coelos rediit

post sumptum sponte dolo-
rem.

Ad Laudes.

Antiphonae.

1. Christus spinae nescius
Spinis coronatur,
Homo spinae conscius
Spinam veneratur.

2. Caput laedit punctio
Spinae gloriosae,
Membra sanat unctio
Poenae virtuosae

3. Vide, Sion talia,

Spina pungit florem,

Per quem vivunt omnia,

Spirat flos odorem.

4. Sertum contumeliac
Regi regum datur,
Per quod regnum gloriae
Nobis reseratur.

5. Pro serti virtutibus
Laus sit salvatori,
Qui pro peccatoribus
Est dignatus mori.

Ad Benedictus.

A. Sertum contumeliae
Tuae, Jesu bone,
Det coronam gloriae
Famulis coronae.

In 2. Vesperis.
Ad Magnificat.

A. O decus ecclesiae,

Gloriosa spina,
Sertum regis gloriae,

Mundi medicina,
Praesentis angustiae

Dulcor et resina,
Te laudantes hodie

Serves a ruina.