74. De sancto Procopio.

In 1. Vesperis.
Art Magnificat.

A. Laetare, Bohemia,

Jubilorum studio
Patroni solemnia

Colens cum tripudio,
Laude multifaria

Prolis contubernio
Paterna commercia

Extolle praeconio,
Loci thesauraria

Sacri glebae pretio
Dona confert varia

Morbidis suffragio;
Ergo, coeli gloria,

Procopii praemio
Da Intrare gaudia

Tua patre praevio.

Ad Matutinum.
Imitatorium.
Regi regum jubilemus
Et has laudes decantemus
Propter pium Procopium,
Nobis patrem propitium.

In 1. Nocturno.

Antiphonae.

1. Beatus vir Procopius,

Mundum animo solerti
Vitans legis cultor pius
Petiit antra deserti.
2. Excelso degens In monte
Jussa Dei praedicavit,
Fugans hostes crucis fronte
Basilicam dedicavit.

3. Caput humile extulit

Signorum per miracula,
Neces daemonum expulit
Virtutum per signacula.
4. Mirificavit pugilem
Tribulationis mora,
Laetiticavit vigilem

Dominus In mortis hora.

5. Voci ejus rex Intendens
Scuto coronavit diro,
Locum triumphi Impendens
Gaudio vallavit miro.

Resporisoria.

1. Quasi vitis fructifera

Bohemia pullulavit,
Cum palmes salutifera

Procopium germinavit,
De quo vina laetifera

Rex populo propinavit:
V. Pauper sinu pausit

Sub stellato solio,
Aquam vivam hausit

De coelesti dolio.

2. In caverna Christi servus
Regulorum calcat taetra,
Fatigatus duce cervus

Refugit tutus In petra,
Lassus potum petit nervus,
Vino cedunt aquae metra.
V. Latibuli loculo

Jesus ut In Cana
Ostendit In poculo
Signorum arcana.

3. O Procopi, o vir Dei,

Solamen desolatorum,
Plectendus capitis rei,

Stragem dum fugit tortorum,
Se subdit paternae legi,

Cum venia delictorum;
V. Aestas Iter glaciem

Moesto pandit fugienti,
Ut Pharaonis faciem

Mare praebet abeunti.

4. Surgo, decus salutare,
Purga specus solitare,
Fulgens secus fluminare

Sazawae naufragia,
Petunt caecus luminare,
Surdus, mutus numinare
Christo coetus ruminare

Laudes per suffragia.

V. Ordo, sexus, omnis aetas
Currunt ad paternas metas,
Grates Deo solvunt laetas
Consequentes bravia.

In 2. Nocturno.
Antiphonae.

1. Ingressus sine macula

Quievit In sancto monte
Vir, caritatis facula,
Dans Imbrem de vitae fonte.
2. Vitam aetemam petiit,

Quiescens In Christi cultu.
Mansiones regis adiit
Delectatus In ejus vultu.

3. Transit aethera vir de mundo,
Israelita sine dolo,
Culmen transcendens corde
mundo
Degit sub trinitatis polo.
4. Cultor rerum omnium
Intrans cum victoria,
Pauper gustat Dominum
Suavem In gloria.
5. Fulgens doctorum corona
Laudatur In patriis,
Quam confecit arte bona
Assumptus In atriis.
6. Caritatis In clibano

Virtutes probantur almae,
Crescunt cedri In Libano,
Florent ut In Cades palmae.

Reaponsoria.

1. Agens Henoch crucis ritus
Mittit vernulac ad litus

Navem cursu agili,
Quam digna res meritorum,
Suscitator mortuorum
Fit In carne fragili.
V. Ad glebam locatus
Puer suscitatur,
Prior procreatus
Per quem recreatur
Petens voce vagiit

2. O Insignis gentis rector
Tuae felicis patriae,
Erroris patens detector

Ingentis idolatriae,
Daemoniorum ejector,
Vasis collator gratiac;
V. Tu errantium protector,
Regi nostro sis adnector,
Hunc videre facie.

3. Transit zelator Elias

Paradisi latebras,
Prophetat casu Abdias

Advenarum tenebras,
Tutor noster Ananias

Claudit lucis palpebras;

V. Opprimentes maledicit
Servorum terrestria,
Docens mundo valedicit
Amare coelestia.

4. O sacerdotum columna

Juxta morem regis Salem,
Verna Christi et alumna

Pacis novae Hierusalem,
Offerens vinum et panem

Benedictor populorum,
Contemnens vitam Inanem

Es collega angelorum:

V. Fortis athleta Domini,
Pulsus prece filiorum
Da laudem tuo nomini,
Pandens his regna polorum.

In 3. Nocturno.
Ad Cantica.

A. Age, mater ecclesia,

Tanti festa gaudii,
Quae decorant solemnia

Merito Procopii,
Cujus nobis auxilii

Adsunt patrocinia,
Quem non vicerunt varii

Status accidentia.

Eesponsoria.
1. Salve, medice aegrorum,

Visu, lingua, gressu, nece,
Tuorum corda servorum

Mundans a peccati faece,
Fiscellas daemoniorum

Tua purgans sancta prece;
V. Te pastorem amant
Oves redeuntes,
Te hostes inclamant
Vasa exeuntes.
2. Mittit Romam rex legatos
Fratres paterna ab aede,
Hortos virtutum rigatos

Glorificare a sede,
Praesul Urbanus negratos
Sentit languorum a caede.
V. Minatur dissolvi

Pater delinquentem,

Exclamat absolvi

Facta poenitentem.

3. Spes miranda, quam dedisti

Mortem tuam plangentibus,

Dum futuram promisisti

Te tribulandis fratribus,
Solve, pater, quod dixisti,
Nos tuis juvans precibus.
V. Ad te clamant filii

Corde circumspecto,
Opem fer auxilii
Doloris In lecto.
4. Solutum granum palea,
Purgatum nexu luteo,
De Bohpmorum area

Infertur coeli horreo,
Aureola virginea

Fulget In sancto cuneo ;
V. Hic sidus ex superis

Micans turbae generis,
Hostibus exsuperis
Fugat cultum Veneris.

Ad Laudes.

Antiphnnae.
1. Laudes jubar matutinum
Regi solvat In decore,
Plebs omnis patrem divinum
Corde extollat et ore.

2. Servivit in laetitia

Deo parens ejus portis,
Quem ab omni moestitia

Liberavit hora mortis.
3. Christo vigilans de luce

Dexterae ejus adhaesit,
Ad gloriam ipso duce

De exsilio pervenit.
i. Benedicit corde humilis

Deum in camino ignis,
Ardendo Seraphim similis

Caritatis fulgens signis.
5. Laudat aeger Dominum coetus

Veniens ad tumbam sancti,
Sospitate remeans laetus,

Spe cernentes gaudent cuncti.
Ad Benedictus.
A. Salutem ex inimicis

Derelictis tribuit
Gentis protector felicis,

Quam spe firma imbuit ;
Cum praelatum suae vicis,

Quem pro eo induit
Rex, Germanum natione

Hunc infula praeferens,
Cui sanctus in visione

Apparens nil deferens,
Plagat, movet jussione,

Inde loco efferens ;
Fuga pestem, pugil bone,

Hostes nostros conterens.

In 2. Vesperis.
Ad Magnificat.
A. O lumen Bohemiae,

Doctor veritatis,
Tu norma justitiae,

Lima pravitatis,
Rosa pudicitiae,

Gemma castitatis,
Codex sapientiae,

Cella claritatis,
Instita laetitiae,

Dulcor caritatis,
Ora regem gloriae

Nostris pro peccatis,
Ut det donum gratiae

Nobis cum beatis.