11. De corona spinea.

In 1. Vesperis.

Antiphonae.

1. Vexilla regia gloriae
Militantis ecclesiae

Laudibus attolantur,
Per quem de mortis nexibus
Mortis confractis viribus

Fideles liberantur.

2. Carnis Indutus trabea
Corona Christus spinea
Pro nobis coronatur,
Haec est praeclara galea,
Quam hostis horret framea
Et cedens hebetatur.
3. Facta Dei dextera
Benedicant opera
Cuncta creatorem,

Qui dat nobis munera
Ad sananda vulnera
Sertum et cruorem.

4. Donis praeclaris praediti
Thesauri nobis crediti

Veneremur auctorem,
Qui nobis arma contulit,
Quibus humani perculit

Generis oppressorem,
5. Humiliari voluit,

Quando pro nobis doluit

Rex summae majestatis
Portans coronam spineam,
Quae delet Ignominiam

Nostrae fragilitatis.

Ad Magnificat.
A. Gaude, felix mater ecclesia,
Adsunt tibi nova solemnia,
Nam corona quondam ingloria
Nunc per orbem refulget gloria.

Ad Matutinum.
Invitatorum.
Adsunt dominici
Serti solemnia
Laude multiplici
Plaudat ecclesia.

In 1. Nocturno.
Antiphonae.
1. Christum sub serto spineo
Deridet plebs perfidiae,
Cujus cruore roseo

Sertum confertur gloriae.
2. Reges ut vasa figuli
In fine confringentur,
Qui summi regis aemuli
Sertum non venerentur.

3. Adversus Dei filium
Multi Insurrexerunt,
Et nocentes Innoxium
Cruorem effuderant.

Responsoria.
1. Spina carens flos spina pungitur.
Per quam culpae spina con-
fringitur,

Spina mortis spinis retunditur,
Dum vita moritur.
V. Per hoc ludibrium
Hostis deluditur,
Mortis dominium
Per mortem tollitur.
2. Coronat regem omnium
Judaea serto spineo.
Stat Inter spinas lilium
Vernans crnore roseo,
Spinarum culpae nescium,
Spinae punctum aculeo.
V. Sub decore fulget purpureo

Corpus nitens candore roseo.
3. Felix spina, cujus aculei
Guttis rubent roris sanguinei,
Vires frangunt hostis tartarei,
Seras pandunt regni aetherei.
V. O spinarum Immensa gloria
Quae tot nobis parat remedia I

In 2. Nocturno.

Antiphonae.

1. Beati, quorum oculi

Praesentes contemplantur,
Quae tot terrarum populi
Absentes venerantur.

2. Coronae, qua gens Impia
Derisit salvatorem,
Devotum cum laetitia
Impendamus honorem.
3. In tua, Jesu, requie

Nos tecum gaudeamus,
Cujus coronam spineam
In terris honoramus.

Responsoria.

1. In Phase quod praecipitur
Moysi Immolare,
Sub agni typo creditur

Lex Christum designare,
Cujus sanguis effunditur
In Phase salutare.
V. Hoc aspersus non laeditur,
Nam ad eum non sinitur
Percussor penetrare.

2. Amici Christi, plaudite,

Qui Christum profitemini
Salutis Instrumentum,
Tropbaea serti pandite,
Per Illud datur homini
Vicforiae crementum.
V. Adversae partes fugite,

Sumant ministri Domini
Laetitiae concentum

3. Parvipendens coronam auream
Rex coelorum suscepit spineam,
Stat Indutus pestem purpuream.
Ut contemnas vestitus trabeam.

V. Jesu Christo conformatus
Vestem quaeras coelibatus.

In 3. Noctorno.

Antiphonae.

1. Nos tecum, judex saeculi,
Fac demum gloriari,
De serti parte spinei
Quos modo das laetari.

2. Videte regem gloriae,
Sauguine cruentatum
Cum suo diademate
De spinis coronatum.
3. Digne chorus fidelium
Coronam veneratur,
Qua redemptorem omnium
Coronatum testatur.

Responsoria.

1. Dum leonis Immanitas,
Latet sub agni vellere,
In Insontem Iniquitas

Insanit prolis viperae,
Justi caput atrocitas

Spinarum stringit vulnere.
V. O quanta humilitas,

Quae monstratur hoc opere,
Cui connexa caritas
Satisfecit pro scelere.
2. Aeterni tabernaculi

Rex et redemptor saeculi
Vilescit Insensatis,

Indutum forma servuli
Spinis coronant aemuli

Dominum majestatis;
V. Haerent In carne stimuli
Spinarum, sordes populi

Fert liber a peccatis.

3. Hac clara die cantica

Cum dulci pange modulo,
Ecclesia justorum,
Laudes Christi multiplica,
Coronae crescit titulo
Gloria redemptorum.
V. Sub hac mundi spes unica
Donavit se pro populo
Manibus Iniquorum.

Ad Laudes.

Antiphonae.

1. Adest dies laetitiae.

Quo diadema spineum
Commendatur memoriae,
Christi cruore roseum.

2. Summum regem gloriae
Spinis coronatum
Ridet plebs perfidiae
Morti condemnatum.

3. O quam felix punctio,
Quam beata spina,
De qua fluit unctio,
Mundi medicina.

4. Pungens spina vulnerat
Christum patientem
Et a morte liberat
Populum credentem.

5. Spinae rubent sanguine
Christum cruentantes,
Mundum lavant crimine
Coelum reserantes.

Ad Benedictus.

A. Ave spina, poenae remedium,
Servi decus, regis opprobrium ;
Tua plaga, dolor, ludibrium
Vitae nobis merentur praemium.

In 2. Vesperis.

Ad Magnificat.
A. O decus ecclesiae,

Gloriosa spina,
Sertum regis gloriae,

Mundi medicina,
Praesentis augustiae

Dulcor et resina,
Te laudantes hodie

Serva a ruina.