46. De sancto Augustino.

In 1. Vesperis.
Antiphonae.
1. Gratuletur omnis mundus.
Clara lux de tenebris,
Ab Immundo venit mundus,
De profano celebris.

2. Augustinum dum de patre

Gentili Patricio
Deus vocat et a matre

Audita est oratio.
3. Annis puerilibus

Decursis In errore

Mox crevit In virtutibus

Et Domini timore.
4. Sollicitans Ambrosium

Mater Augustini,
Doctor doctorem optimum

Facit verbi divini.
5. Statim coepit fructum ferre

Scripturae clausa reserans
Et In fines orbis terrae

Fidem Christi praedicans.

Ad Magnificat.

A. O flos cleri principalis,

Dux et via exsulum,
Augustine, specialis

Lux et decor pi-aesulum,
Tu vitae canonicae

Canon et decretum.
Nos, pater pie, respice.

Ad Christi duc secretum.

Super Nunc dimittis.

A. Turris David ascenditur,

Qua fidos propugnatur,
Scala Jacob conscenditur,

In qua spes elevatur,
Columna Ignis advenit,

Caritas Inflammatur.
Gaudeat ecclesia,

Jam duplicat talenta
Fidelis servus In vita

Coelitus obtenta.

Ad Matutinum.
Invitatorium.

Veram lumen adoremus,
Christum regem Dominum,

Qui Augustinum lumen fecit
Ecclesiarum omnium.

In 1. Nocturno.

Antiplionae.

1. Augustinus respuit

Consilium Impiorum,

Dum Manichaeos destruit

Et vias peccatorum.

2. Fortunato praedicat
Domini praeccpta,
Quem ratione superat
Divinitus accepta.
3. Contrivit lima fidei
Dentes peccatorum,
Adversantes et ei
Ense necat verborum.

Respoiisoria.

1. Studens In liberalibus

Aetate juvenili
Augustinus artibus,

Mente quas subtili
Capit et sic proficit,

Ut stupeat natura,
Nam totum per se didicit,

Quod indit In scriptura.
V. Quis compar Isti

fuerit, numquid meministi?

2. Augustinus presbyter

Hipponensis factus.
Coelestis regni monstrat Iter

Igne divino tactus,
Scribit In ecclesia

Libros triginta mille,
Volumina Innumera

Et componit Ille ;
V. Perquam famosus

mundo fit et operosus.

3. O lumen ecclesiae,
Beate Augustine,
Nobilis prosapiae

Doctor legis divinae,
Tu pie sine mora
Pro nobis Deum ora,
V. Augustine bone

pater et venerande patrono.

In 2. Nocturno.

Antiphonae.

1. Mirificare voluit

Deus hunc beatum,
Ad mortem quando doluit
Curans inbaptizatum.

2. Mendaces Ille destruit
Verbo veritatis,
Et Iidem Illis Instruit
Sanctae trinitatis.

3. O quam admirabilis

Hic praesul et laudandus,
Qui assumptus est ab angelis
In coelis coronandus.

Responsoria.

1. Vitarn apostolicam

Hic doctor renovavit
Describendo regulam,
In qua declaravit,
Vivere sub Imperio
Caste sine proprio;
V. Ut docet Iste pater,

sic debes vivere frater.
2. Multum renitens suscipit
Curam pastoralem,
In qua tantum proficit,

Ut miseris talem ;
Virtus virtuti succedit,

Consurgit ad labores,
Docet, scribit, libros edit,
Sic honor mutat mores.
V. Hic flos doctorum,

fidei tuba, regula morum.
3. O martyr desiderio,
Nam pati petivisti
Multa neque gladio

Cujusquam tu cessisti,
Te necare cupiens

Donatus Ira saevit.
Sed de te omnipotens
Melius decrevit.
V. Ut nos fulcires

saeva nec morte perires.

In 3. Nocturno.

Antipliunae.

1. In tuo tabernaculo

Hic, Christe, habitavit,
Multiplici miraculo
In terris corruscavit.

2. Post coronam praesulis
Hujus temporalem
Pro suis, Christe, meritis
Das huic aetcrnalem.
3. Hic Innocens manibus
Cor habens accensum,
Praedicat hominibus
Coeli docens ascensum.

Responsoria.
1. Consors apostolorum,
Corona martyrum,
Tu gemma confessorum,

Ornatus virginum,
Scientia tu Cherubim,

Vox coeli, lingua Christi,
Hodie a Seraphim
Assumi meruisti.
V. Augustine pie

Paulo par sic et Eliae.

2. Aquilina facie

Vidit Augustinus
Subtili mentis acie,

Quod Deus unus trinus,
Unus In essentia,

Trinus In personis,
Cuncta creans entia

Summae perfectionis.
V. Ne cessent esse,

qui singula servat In esse.

3. O pater, pauper spiritu

Sed dives In virtute,
In tuo, ora, transitu

Tu nostra pro salute ;
Tuo sic provideas

Gregi, pastor bone,
Ut te sequentem videas

In merito coronae
V. Et tecum pone

finito carnis agone.

Ad Laudes.
Antiplionae.
1. Augustinum Induit
Dominus decore
Et sedem ejus posuit
In gloria et honore.

2. Laetus atque jubilans
Hic sanctus Introivit
Domum, quam desiderans
In terra concupivit.

3. Praegustavit Domine
De rivo, sed sitivit,
Nunc pleno fruens flumine
Te torrente bibit.

4. Fratres benedicite
Beato Augustino,
Qui nos de mundi turbine
Tulit, de camino.

5. In excelso solio

Dominum de caelis
Laudemus de suffragio
Patroni fidelis.

Ad Benedictus.

A. O plena dies gaudio
In qua de mundi medio
Spiritus sancti armarium,
Patronus turbae pauperum

Gaudium Intravit.
Nunc haurit pleno poculo,
Nunc claro videt oculo
Lumen Indeficiens,

Vinum summe reficiens,
Quod prius praegustavit.

In 2. Vesperis.
Ad Magnificat.
A. O per omnia laudabilis
Pater et patrone,
Toti mundo venerabilis,

Augustine bone,
Fruens cibo grandium
Habens omne gaudium,

De praesentia sponsi Christi,
A torrente voluptatis
Ebrius summae trinitatis,
Commenda Dei filio,
Quos hic In exsilio
Te sequi voluisti.

In translatione s. Augustini.

Ad Magnificat.
A. Multiplici miraculo
Deus gloriosum
Augustinum populo

Fecit et famosum,
Cum fertur de Sardinia

Locandus In Papia;
O pater, nostra gloria,
Custodi nos In via.