90. De sancta Verena.

In 1. Vesperis.
Antiphonae.
1. Hodie cum gloria
Celebret ecclesia

Veneremur omnes plene
Sanctae virginis Verenae
Inclita solemnia.

2. Haec cum esset parvula,
In aetate primula
Habitum fert spiritalem
Vitam fovens virginalem.
In virtutis formula.

3. Mundi fastum respuit.
Virgo Deum coluit
Et ad Christum cor direxit,
Eum sequens, quem dilexit
Despici se maluit.

4. Fidei cum pessulo
Comitur et speculo
Spei reque caritatis,
Nectitur sic sanctitatis
Triplici funiculo.

5. Inde liquit patriam
Et parentum gloriam.
Crucis aegide protecta
Cum Mauritio profecta

Venit In Italiam.
R. Haec est virgo vere prudens,
Obviare sponso studens

Lampadibus ornatis.
Quam suscepit Christus ludens,
Huic cum sanctis regnum cudenb

Aeternae claritatis.
V. Suavitatem fert odoris

Ut vitis fructifera,
Pii dant exempla moris

Suae manus opera.

Ad Magnificat

Magnum nomen Domini,
Qui Verenae virgini
Magna fecit, ut videmus,
Pariter magnificemus.
Exaltavit humilem.
Locans venerabilem
Super solium potentum,
Ut sit Ipsa munimentum
Omnibus humilibus
Et se venerantibus
Praestct Interventum.

Ad Matutinum.
Invitatorum.

Venientes adorare

Regem magnum Dominum,
Qui Verenam delicate

Choro junxit virginum.

In 1. Nocturno.

Antiphouae.

1. Mirabili omine
Subjecisti, Domine,
Omnia huic puellae,
Ut tuo pro suo velle
Gaudeat In nomine.

2. Coeli Dei gloriam
Atque sapientiam
In aeternum enarrabunt,
Cum Verena collaudabunt
Divinam clementiam.

3. Innocens haec manibus
Prorsus sine fraudibus
Ptesidens In Dei loco
Sponsa plaudit dulci joco
Cum sanctis virginibus.

Responsoria.

1. Virgo Verena sapiens

Mediolanum veniens

Cum Thebaea legione

Sine Intermissione
Fuit Deo serviens.
V. Pietatis operibus

Pro totis suis viribus

Vinctis In carceribus

Subvenit In artibus.

2. Sub modio ne lateat
Jubar sed mundo luceat,
Suam Deus hanc ancillam
Ad nos misit, ut per Illam
Nobis coelum pateat.

V. Solodorum Ingreditur,
Lapsis fides conceditur,
Sua prece tunditur
Mors et spes refunditur.

3. Dispergitur In terminis
Terrae mox fama virginis
Et ad Ipsam confluxerunt
Infirmati, qui senserant
Opem medicaminis.

V. Multitudo languentium,
Caecorum et debilium
Ad hanc venit gentium
Sanari quaerentium.

In 2. Nocturno.
Antiphonae.
1. Audi, regis filia,
Pia laudum munia,
Aurem tuam huc Inclina
Et nos clemens per divina
Protegas auxilia.
2. Virtus et refugium,
Noster Deus, omnium,
Per Verenam nos exaudi,
Quae vacando tuae laudi
Vitae carpsit bravium.
3. Montis sancti summitas,
Id est Dei civitas,
Dat Verenae fundamenta,
Ut ad laudum Incrementa
Salvet gentes subditas.

Responsoria.
1. Sanctitatis Impatiens

In hanc est daemon saeviens,
Quo suadente carceratur,
Quam Mauritius solatur
Dulciter afficiens.
V. Correptus saevis febribus
Tyrannus flexis genibus
Solutam humilibus
Illam placat precibus.
2. Collectis hinc virginibus
Ex regionis finibus
Deum laudat jejunando
Et vigiliis vacando
Cum orationibus.
V. Dum panis victus solitus
Exhaustus fuit penitus,
Farris pastus positus
Est ad fores coelitus.

3. Ne peccatoris oleo
Impinguaretur, Ideo
Dignitates haec humana
Atque laudes sprevit vanas
Corpore virgineo.

V. A Solodoro Igitur
Discedens proficiscitur,
Ubi Rhenus labitur,
Zurciacam graditur.

In 3. Nocturno.
Antiphonae.
1. In coelorum atriis
Haec oblatis hostiis
Datrix elemosynarum
Collocatur, hinc terrarum
Orbis plaudat gaudiis.
2. Exsultabunt hodie
Piae Judae filiae,
Nam Verenae lux est orta,
Per quam nobis patet porta
Jam coelestis curiae.
3. Omnes terrae termini
Salutare Domini
Novo cantico collaudent,
Jubilantes en congaudent
Sancti sanctae virgini.

Responsoria.
1. Intenta salutifero

Voto cuidam presbytero

Zurciacae ministravit,

Quem fidelis haec dotavit
Obsequio prospero.
V. Nam sacrum exercitium

In fructum transit nimium,

Deus se timentium

Velle facit omnium.
2. Dum recreare properat

Egenos, ut consueverat,

Accusatur virgo pia,

Sed per signa pandit via,
Ad quid haec accelerat.
V. Conversis In substantias

Elemosynis alias

Virgo Deo gratias

Retulit eximias.

3. Post plurima miracula

Cubans In sua cellula

Per Mariani visitatur

Et dehinc exanimatur

Sancta Dei famula;

V. Quae hodie cum gloria
Gaudet In coeli patria,
Nobis hac memoria
Praestet patrocinia.

Ad Laudes.

Antiphouae.

1. In coeli celsitudine
Cum magna fortitudine
Deus potens rex regnavit,
Qui Verenam sublimavit
Dierum longitudine.

2. In hymnis confitemini
Deo, populus Domini,
Cui Verena jubilavit,
Pandit Deus, quam amavit,
Coeli portas virgini.

3. Deserta sua patria
In terra satis Invia
Virgo Deo vigilavit
Et In laudem excitavit
Sua semper labia.

i. Justorum et humilium
Animae Dei filium

Benedicant collaudando
Et Verenam venerando
Coetus psallat omnium.

5. In suo rege filiae
Sion exsultent hodie,
Qui mansuetam exaltavit
Et eandem adunavit
Sanctorum ecclesiae.

Ad Benedictus.

A. Jus jurandum, quod juravit

Nostris Deus patribus,
Argumento comprobavit

Solvens nos ab hostibus,
Cum Verenam delegavit

Hujus terrae finibus,
Per quam nos Illuminavit

Fidei dogmatibus
Atque viam praeparavit

Pacis nostris pedibus.

In 2. Vesperis.
Ad Magnificat.
A. Ave, nostra dulcis mater,
O Verena, petimus,
Fac, pellatur Satan ater,

Hostis callidissimus,
Per quem heu ter et quater

In peccata ruimus,
Da, ut nos coelestis pater
Salvet benignissimus.