12. De conceptione BMV.

In 1. Vesperis.
Antiplionae.

1. Gaude, mater ecclesia,
Nova frequentans gaudia,
Lux micat de caligine
Rosa de spina germine.

2. Haec est Illa stella maris,
Per quam fulsit lux solaris
Cujus festum celebremus
Et juvamen Imploremus.

3. O Maria, clausus hortus,
Naufragatis mundi portus,
Placa nobis, qui te fecit,
Matrem sibi quam elegit.

4. Adesto jam supplicibus
Tuis favendo precibus,
Manum benignam porrige
Vitamque nostram dirige.

5. Vinea quondam sterilis,
Deo cultore fertilis,
Vitem fecundam pullulat
Fundentem cunctis pocula.

E. Cordis ac vocis jubilo
Pangamus laudes Domino,
Cujus matris conceptio
Mundum perfudit gaudio.
V. Suscipe devotae

praeconia. Christe, catervae.
Doxa patri, sit honor

genito cum pneumate sancto.

Ad Magnificat.

A. Ave, decus virgineum,
Ave, jubar aetbereum,
Nobis praesens solemnitas
Da sit perpes jucunditas,
Tua namque conceptio
Summa est gratulatio.

Ad Matutinum.

Invitatorium.

Eja pervigiles

Domino jubilate, fideles,
Conceptumque piae

solemnizate Mariae.

In 1. Nocturno.

Antiplionae.
1. Gaude, fidelis concio,
Adest ejus conceptio,
Quae delet Evae maculam,
Vitae redonat infulam,

2. Cui Eva obedivit,

Haec serpentis caput trivit,
Jugum spernens nuptiarum
Deo vovit coelibatum.

3. A prophetis praecinitur
Et figuris ostenditur,
Quod mulier procederet,
Quae Deum virgo pareret.

Responsorio
1. Fulget dies hodierna,
Digna laude sempiterna.
Qua concepta est Maria,
Per quam patet vitae via;
V. Germine regali

nec non et pontificali.
2. Abrahae stirpe generosa
Virgo prodit gloriosa,
Quae nullius per exemplum
Se sacravit Deo templum;
V. Haec admiranda

cunctis est et Imitanda.
3. Ecce novum per prophetas
super terram facere
Se promittit auctor, virum

feminam circumdare ;
Veneranda novitate

prodeunt miracula,
Jam Mariae praegnans alvus
Dei prolem bajulat.
V. Sanctus obumbravit

huic et spiritus gravidavit,
Fitque parens et virgo manens.

In 2. Nocturno.

Antiphonae.
1. Namque rubus incombustus,
Moysen qui terruit,
Haec est virgo, quae pudore
Salvo Deum genuit.

2. Virga Aaron fructifera
Mariae typum gesserat,
Quae nobis fructum attulit,
Nostram qui famem dispulit.

3. Isaias ille divus,
Secretorum Dei rivus,
Virgae movens mentionem
Pandit hanc conceptionem.

Responsoria.

1. Sicut rosa inter spinas
illis addit speciem,
Sic venustat suam virgo

Maria progeniem,
Germinavit enim florem,
Qui vitalem dat
V. Cujus cunctorum

laus promitur ore piorum.

2. Virga Jesse de radice
genus duxit inclitum,
Oraculis prophetarum

quod fuerat proditum,
Inde virgam egressuram
Florem Christum parituram;
V. Voce prophetiae

signatur origo Mariae.

3. Prophetalis nubem levem
vox dicit ascendere
Salvatorem Aegyptique

tenebras invisere,
Ut in mortis caligine
Sedentes lustret lumine ;
V. Diffugiunt tenebrae,

pandunt secreta latebrae.

In 3. Nocturno.
Antiphonae.

1. Abrahae fit prommissio,
Quod illius successio
Velut arena cresceret,
Stellis aequalis fieret.

2. Hoc promissum est impletum
Castae per Mariae fetum,
Quae gignendo granum sevit,
De quo seges tanta crevit.

3. Gratulare et laetare,
Urbs opima Nazareth,
Hodierno fecundans
Ubertate gratiae,
Casus mortis, salus orbis,
Spes datur et veniae.

Responsoria.
1. Celebris dies colitur,
In qua virgo concipitur,
Quae per obedientiam
Mundo refudit gratiam,
Ut, quod ruit per feminam,
Relevetur per feminam;
V. Ista fuit digna

transgressus tergere signa.
2. Patriarcharum semine,
Prophetarum origine,
Regum atque pontificum
Genus duxit magnificum,
Unde virgo concipitur,
Christi mater efficitur;
V. Nobilis et clara

stirps est, Domino quoque
clara.
3. O Maria, clausa porta,
quam nemo aperuit,
Princeps Ille, qui transivit,

Deus et homo fuit,
Nec Ingressu nec egressu

violavit clausulam,
Sed, quam prius non habebat,

sumpsit carnis fibulam;
Sic togatus tamquam sponsus
suo processit thalamo.
1. Perfudit totam,

sacra virgo, te theotocam,
Decrevitque Deus
filius esse tuus.

Ad Laudes.
Antipbonae.
1. Conceptus hodiernus

Mariae semper virginis
Naevum texit, nexum solvit

vetustae originis,
Moestis reddit laetitiam,
Dat criminosis veniam.

2. Gloriosa semper virgo,

Maria dulcissima,
Precibus te venerantum

annue piissima,
In offensis ne labamur,
A te semper protegamur.
3. Maria plena gratia,
Stirpe concepta regia,
Assistentes tuae laudi
Miserando nos exaudi.
4. O quam larga te perfudit,

virgo, benedictio
Qua deletur, quam Induxit

Eva, maledictio,
Intende nostris laudibus,
Beata In mulieribus.
5. Dignare me, laudare te,

virgo et puerpera,
Te laudantes ab aerumnis

leva super aethera,
Potes enim ut Domina
Pandere poli limina.

Ad Benedictus.
A. Benedicta es, Maria,

laus nostra, spes et domina,
Te collaudat, colit, tremit

trina mundi machina,
In tua conceptione

congaudentes confove,
Profutura largiendo
nocitura dimove.

In 2, Vesperis.
Ad Magnificat.
A. Virgo, salus mundi,

genitrix castissima summi,
Jus proprium partus

cujus non polluit artus,
Vitae porta, viri

lapsus reparatio primi,
Splendida stella maris,
poli regina specialis;
Numen pro nobis

appelle sedulo prolis,
Quos emit care,

morti ne tradas amarae.

Ad Complet, nat B folgende A:

O florens rosa, Domini mater speciosa,
O virgo mitis, o fecundissima vitis,
Clarior aurora pro nobis omnibus ora,
Ut simus digni postrema luce beari.
In 1. Noct. lautet R 3 in DH:

Stirps Jesse virgam produxit virgaque florem,
Et super hunc florem requiescit spiritus almus;
V. Virgo Dei genitrix virga est, flos filius ejus.
In 2. Noct. R 3 in D:

Candida virginitas paradisi cara colonis,
Hortus conclusus florenti cespite vernans ;
V. Quae genuit Dominum progenerare suum,
Ipsa suo nato nos reddat florida virgo.

In BC lauten R 3 und R 4:
R 3. O beata progenies
Et veneranda series,
Unde surgit ut aurora
Maria virgo decora,
Quae produxit mundo solem,
Verum Dei promit prolem;
V. Haec merito dicta

inter omnes est benedicta.

R 4. Verbum patris mundo fulsit
Virginis per uterum,
Cujus mentem non gravavit
Onus premens scelerum;
Ut super vellus pluvia
Sic descendit in Mariam;

V. Solem justitiae

concludunt claustra Mariae.

In 6. Noct. ad Cantica A in den monastischen Brevieren:

Audi, virgo glorifica,
Post filium spes unica,
Clemens et imperiosa,

Nostra dele maculosa,
Acceptans nostra cantica
Impetra fulcra coelica.

Dieselben baben noch folgendes:

R 2. Gloriosa dieta constant de te, mundi domina,
Namque natum proloquuntur veridica carmina,
Tuum te adversus morem generare genitorem;
V. Pro meritis claris per saecula, virgo, bearis.
In 2 Vesp. ad Magn. CEF.

Spes desperatis, fons magnificae pietatis,
Virgineo flore pollens cum matris honore,
Flos inter spinas, nostras sustolle ruinas.