18. De praesentatione BMV.

In 1. Vesperis.
Antiphonae.

1. Lauda, mater ecclesia,

Almae matris Infantiam,
Cujus Immensa gratia
Tibi paravit gloriam.
2. In templo Dei laudibus
Virgo Dei dicata,
A supernis civibus
Gaudet visitata.
3. Omnis ejus actio

In Deum tendebat,
Toto vitae spatio
Meritum augebat.
4. Quidquid egit, penitus
Est forma salutis
Et doctrina spiritus,
Est causa salutis.
5. Quantum facultas sufficit,
Laudent mentes piae,
Nam omnis lingua deficit
A laudibus Mariae.
E. Laudemus omnes Dominum
Qui Mariam Implevit gratia,
Ut mediatrix hominum
Apud Deum esset propitia.
V. Haec est mater misericordiae,
Per quam venit ad nos rex
gloriae.
Ad Magnificat
A. Ave Maria, plena gratia,
Per quam datur misericordia,

Salus, vita, honor et gloria,
Sis benedicta Inter omnia.
Sis benedicta super omnia,
Te laudent te adorent omnia,
Sacra haec tua praesentatio
Sit coeligenis gratulatio,
Sit terrigenis exsultatio
Et sempiterna benedictio.

Ad Matutinum.
Invitatorium.

Salve, stella maris,
jubilo sancto veneraris,

Sit tuus adventus

simul Introitus benedictus.

In 1. Nocturno.

Antiphonae.

1. Infans lactensque In via,
Dei genitrix futura,
Infertur In templum pia
Suae genitricis cura.

2. Quod prophetae praecinerunt
Ob Christi memoriam,
Hoc coeli enarraverunt
Admirantes gloriam.

3. Montem Dei haec ascendit
Innocens per omnia
Virgo mater, nec attendit
Vana mundi gaudia.

Eesponsoria.
1. Advenisti, desiderabilis

Omnium saeculorum saeculis,

Virgo et mater venerabilis,
V. Salve flos campi,

lux coeli, gloria mundi.
2. Quam praeelegit eam Dominus

Ex multis millium millibus !

In templo praesentatur Domino

Debito parentum officio.
V. Imperitans cunctis

infans gestatur In ulnis.
3. Benedicta speciosa,

Virgo virginum generosa,

Tibi plaudit

Omnis coeli militia,

Te collaudat

Omnis sancta ecclesia.
V. Omnes exsultent

et laudes voce resultent.

In 2. Nocturno.
Antiphonae.
1. Humilis In templo lata
Adstat In coelestibus
Super omnes trabeata
Nunc virtutum vestibus.

2. Praefert Ipsa templo sisti,
Prout Istud lex mandavit,
Ipsa tamen templum Christi,
Quod altissimus dicavit.
3. Quam mira, quam gloriosa
De te dicta, Dei castrum,
Nunc praeclara, nunc formosa
Super omne regnans astrum.
Eesponsoria.
1. Miris varietatibus,
Omnigenis ornatibus
Procedit ecce splendida
Eegis coelorum filia,
V. Virgo et sponsa Dei
dignaque mater ei.
2. Igne Dei fragrans,

mira dulcedine fraglans,
Sancta Deo viva

placens hostia, virgo Maria,

V. Spirat odore bono

coelesti praedita dono.
3. Praefigurata coelitus,
Repromissa divinitus,
Virgo prodit spectabilis,
Omnibus desiderabilis.
V. Effloret virga,

pia regia virgo Maria.

In 3. Nocturno.

Antiphonae.

1. Flos In floris tempore

Ad locum floris mittitur,
Sic de floris corpore
Gloriose concipitur.
2. Jesu flos, virga Maria,
Verque tempus floris,
Floris Nazareth patria
Plena sunt decoris.

3. Candens flos multiplicat
Virgulae decorem,
Conceptus glorificat
Mariae pudorem.
Eesponsoria.

1. Ave, gemma principalis
Universae sanctitatis,
O Maria, o quam pia,
O benigna, o quam digna I

V. Virgo, omni hora

Natum pro nobis Implora.

2. Omnes gentes, attendite
Ad tam pulchrum spectaculum,
Deo gratias agite,
Qui sic dilexit populum ;
Mariae formam sumite,
Quae virtutis est speculum.

V. Virgo sancta templo data
Post facta est Dei templum,
Est plebs Deo grata
Mariae sequens exemplum.

3. Gaude et laetare
Urbs nobilissima
Civitas regis
Summi Jerosolyma
Adorna templum sanctum
Et altare gratulare

Israel, et jucundare
Ecce advenit pia
Virgo Maria,
Terrarum domina,
Coetorum regina.
V. Haec est civitas Dei,
Templum Domini,
Et sacrarium
Spiritus paracliti.

Ad Laudes.
Autiphonae.

1. Surgis ut aurora,

benedicta Maria decora,
Respicias famulos
nos, pia virgo, tuos.

2. Ignis diurnus

ut nos Illuminet Intus.
Sancta Maria, tuis
obtineas meritis.

3. Prava refrigeant,

in nobis, sancta calescant,
Christus ut hoc donet,
mens pia nunc vigilet.

4. Splendida formosa,

mitis, dulcis, generosa,
Nos agnosce tuos,

pia sit tua cura super nos.

5. Nil tibi difficile,

nil quippe negat puer Ille,
Nasci dignatus

de te mitissimus agnus.

Ad Benedictus.

A. Benedicta dulcis virguncula,
Judicis Jesse virgula,
Columba sine macula,
Regis aeterni filia,
Columna templi fulgida,
Placens et viva hostia,
O decora Infantula,
Maria splendidissima.

Ad Horas.

Ad Primam.

A. Novae laudis adest festivitas,
Grata mundo ac coeli civibus,
Qua beatae Mariae virginitas
Templo data est a parentibus.

Ad Tertiam.

A. O virgo sancta,

mater Domini veneranda,
Nos rege, ncs serva,

rogitat te nostra caterva,
Quo te ductrice

capiamus pascua vitae.

Ad Sextam.

A. Benedictus virginis filius,
Replens matrem misericorde,
Advocatam dans hanc propitius,
Ne quisquam exceptus sit gra-
tiae.

Ad Nonam.

A. Oliva fructifera,

Mater pietatis
Fugans mundi scelera,

Stella claritatis,
Per quam cuncta prospera

Dantur nobis gratis.
Nos tandem In aethera

Transfer cum beatis.

In 2. Vesperis.

Ad Magnificat.

A. Omnis fidelis anima,
Lauda Dei magnalia,
Cujus misericordia
A saeenlo in saecula.
Quae respexit
Mariae humilitatem,
Quam exaltavit
Ditando matrem virginem;
Ejus prece ac meritis,
Christe, miserere nobis.

In 1 V. A 1 - 5 fehlen B; dafur:

A. Veni, dulcis virguncula,
Radicis Jesse virgula,
Columba sine macula,
Regis aeterni filia,
Columna templi fulgida.
Placens et viva hostia,
O decora infantula,
Maria splendidissima.

R 1 in B:

R. Offertur sanctum Domino vivens holocaustum

Divini totum spiraminis igne crematum
V. Hoc super altare dulci fit odore suave.