14. De conceptione BMV.

In 1. Vesperis.

Antiphonae.
1. Alma promat ecclesia
Mariae nunc praeconia.
Sua colens primordia,
Quae mundo praestant gaudia.

2. Ex Davidis progenie
Virgo procedit hodie,
Quae gignet regem gloriae,
Datorem omnis gratiae.

3. Jam salus Instat homini
Conceptu matris Domini,
Cujus submissa numini
Nulli suberat crimini.

4. O miranda conceptio
Coeli fatata nuntio,
Regali ex connubio
Procedit sine vitio.

5. Virgo sacrata spiritu
Sancto In conceptus ritu,
Adsis nobis In obitu
Nos salvans ab Interitu.

E. Ut stella lucis praevia,
Luna et lux aurorae

Ex pura sunt materia
Solis fultae splendore;

Sic Mariae primordia
Conceptionis more

Quaevis excludunt vitia
Coeli salvato rore.

Nam si sunt exemplaria
Hujus sine squalore,

Cur non originalia
Fulgerent plus decore?

V. Hinc cessent jam contraria

In obloquentis ore,
Dicamus natalitia

Mariae facta flore.
Sit Deo nato gloria

Una cum genitore,
Cum praecedentis gratia

Ex amborum vigore.

Ad Magnificat.
A. Ave, virtutum formula,

Maria maris stella.
Per cujus tu pericula

Ad portum es ducella,
Jam ut In spinis rosula

Latens In ventris cella,
Et veluti sub nebula

Oriris lux novella;
Prodi ut Aaron virgula

Et floreas, tenella,
Quod mundi pascas saecula,

Fructum profer, agnella,
Ut delens mortis pocula

Nobis det vitae mella.

Ad Matutinum.

Invitatorium.
Adoremus Dei patris

Natum ex pura virgine,
Qui conceptum suae matris

Praeservat a crimine.

In 1. Nocturno.

Antiphonae.
1. Virgo minor paulominus
Ab angelis creata,
Est Ipsis nihilominus

In coelis jam praelata,
Et sedet Christo cominus
Honore coronata.

2. In sole tabernaculum
Per pneumatis spiraculum

Deus jam aptat sponsus,
Ut fiat habitaculum,
Quo carnis per umbraculum,
Post lateat absconsus.
3. En haec est generatio,
Per quam Instat salvatio

Vultum Dei quarentium;
Jam cedit maledictio
Et venit benedictio

Per hanc cunctarum gentium.
Eesponsoria.
1. Aurora lucis rutilat,
Mariae dum conceptio
In alvo matris pullulat

Coeli conspersa radio;
Hinc mundus laetus jubilat
Cui sic Instat salvatio.
V. Adam vetus, quod polluit
Posteritatis vitio,
Adam novus hoc abluit
Hujus natalis gaudio.
2. Beata spes mortalium
Jam sumit hic Initium
Conceptione virginis,
Qua salus cunctis redditur,
Ex hac dum Christus nascitur,
Adae damnator criminis.
V. Beata nobis gaudia
Vitae reduxit nuntia,
Mutatrix Evae nominis.
3. Cedit caligo noctium,
Maria fugans noxium

Jam surgit ut aurora
In uteri matricula,
Quae mundi lustret saecula
In sui ortus hora.
V. Consorspaterniluminis
Conceptum hujus virginis
Sacravit sine mora.

In 2. Nocturno.
Antiphonae.
1. Eructavit verbum bonum
Angelus divinitus,
Dum praedixit partus donum

Mariae humanitus,
Quam elegit sibi thronum

Dei unigenitus.
2. Deus tunc habitaculum

Suum sanctificavit,
Mariae dum corpusculum

In utero formavit,
Tollens peccati stimulum

Hanc mundam praeservavit.
3. De te, Sion civitas,

Sunt dicta gloriosa,
Quam nunc fundavit deitas

In Anna generosa,
Ut tua speciositas

Sit cunctis fructuosa.

Eesponsoria.
1. Domus pudici pectoris

Templum Dei nunc struitur,
Quae nulla labe deforis

Aut Intra se Inficitur ;
Nam summus ejus artifex

Nil agit In materia,
Cum sit virtutum opifex

Non habens In se vitia.
V. Deus creator omnium

Hic fecit mirabilia
Contra thori convitium

Sic purgans fomentalia.
2. Aeterna coeli gloria

Mundo manifestatur,
Maria vitae nuntia

De coelis nobis datur,
Per cujus nunc exordia

Tristitia fugatur,
Pax, salus et laetitia

In terris Inchoatur.
V. Ecce tempus Idoneum

Quo vita restauratur,
Nam corpus hoc virgineum

Templum Dei sacratur.
3. Fitporta Christipervia,
Maria plena gratia

Olim praefigurata,
In ventris jam angustia
Praeter naturae vitia

Conceptu fit fundata,

Quod transeat cum gloria
Rex vitae ferens gaudia,

Et maneat serata.
V. Felix mater multiplici

Laude nimis ornata,
Adjutrix nostra effici

Velis, virgo beata.

In 3. Nocturno.

Antiphonae.

1. Rex coeli, terrae, marium
Regnare hic disposuit,

Et sibi struxit atrium,
Quo adorari voluit,

Terris cujus sacrarium
Humanam carnem Induit.

2. Lux ecce justis oritur,
Rectis corde laetitia,

Maria dum concipitur,
Nostrae salutis nuntia,

Ex qua salvator nascitur
Nobis dans VItae gaudia.

3. Novum cantate canticum
Mariae, matri gratiae,

Cujus per os angelicum
Conceptus adest hodie,

Ut Ipsa sidus coelicum
Solem gignat justitiae.

Responsoria.

1. Genus superni luminis
Conceptu hujus virginis
Se mundo copulavit,
Ex cujus gutta sanguinis
Deus naturam hominis
Sibi coadunavit.
V. Gaudet chorus coelestium,
Nobis creator omnium
Jam coelos Inclinavit.

2. Honor matris et gaudium,
Quae virgo gignet filium

Orta de stirpe Jesse,
Patens habet Indicium,
Quod praeter omne vitium

Procedit jam In esse.

V. Hujus obtentu virginis,
Qui es damnator criminis,

Nobis velis adesse.
3. Jamnuncpaternaclaritas

In terris dilatatur,
Evae veternum criminis

Per Mariam purgatur,
Cujus materna puritas

Divinitus sacratur,
Ut hinc aeterna caritas

Humanitus nascatur.
V. Impleta est veridica

Jam vatum prophetia,
Nam ex stirpe Davidiea

En oritur Maria.

Ad Laudes.

Antiphonae.
1. Hanc domum tuam, Domine,
Quae te fovere meruit
Dierum longitudine,

Hanc sanctitudo decuit,
Quod ejus ab origine
Nullo peccato subfuit.

2. Omnes cum laetitia

Nunc Deo jubilate,
Mariae primordia

Devote celebrate,
Ut eoeli pandat ostia,

In hymnis hanc laudate.
3. Vias tuas cognoscere

Das, Christe, tequaerentibus,
Dum vis ad partum ducere

Mariam cunctis gentibus,
Ut possit nos conjungere

Tuum vultum cernentibus.

4. Ista est vorgo virginum,
Cui praedixit Gabriel,

Quod generaret filium,
Quem vocaret Emanuel,

Hinc benedicit Dominum,
Quia suscepit Israel.

5. Exultent Sion filiae

Et Israel laetetur,
Quod ex David progenie

Virgo egredietur,
Quae gignet regem gloriae,

Quo mundus gubernetur.

Ad Benedictus.
A. Deus ab alto visitavit

Nos suos In hoc saeculo,
Mariae corpus dum sacravit

Matricis In latibulo,
Et post hoc Id Inhabitavit

In matre carnis modulo,
Natus ut hinc In sede David

Suo praeesset populo,
Quod sua morte liberavit

A poenae mortis vinculo.

In 2. Vesperis.
Ad Magnificat.

A. Mea exsultans anima

Jam Dominum magnificat,
Qui sublata culpa prima

Conceptam me sanctificat
Et Intra me humillimam.

Templum sibi aedificat;
Ibi jungens summis ima

Carnem sumptam deificat,
Hinc, quod sim beatissima,

Me totus orbis praedicat.