93. In Translatione s. Virgilii.

In 1. Vesperis.
Super Psalmos.
A. Pangens chorus dulce melos
Voce, voto pulset coelos,
Praeveniat in laudibus
Festa tanti confessoris
Turba juncta psallentibus
Concentu cordis et oris.

Ad Magnificat.
A. Firmamentum ecclesiae
Lucem reducens gratiae
Detecto novo sidere
Mane junxit cum vespere,
Dum jam nostro In tempore
Levato terris pulvere
Ut spiritum In aethere

Venerantes Virgilium
Magnificemus Dominum.

Ad Matutinum.
Invitatorium.
Laudibus Instantes

cuncti Domino resonemus,
Pervigiles stantes

cum Virgilio vigilemus.

In 1. Nocturno.
Antiphonae.
1. Secus decursus aquarum
In vite palmes plantatus
Fructum viae gratiarum
Dono dedit Irrigatus.

2. Super montem constitutus
Viam docuit salutis
Praesul, arte mentis tutus,
Spem vitae dans et virtutis.

3. Circumdantis populi
Milia non timuit,
Sed futuri saeculi
Fido gentes Imbuit.

Eesponsoria.

1. Finibus Hiberniae
Progenitus vir beatus
Partibus Bavariae
Praesul est a Deo datus,
Ambae gaudent viro bono
Mater nato, plebs patrono;

V. Rectos decet collaudatio,
In terra benedicetur
Rectorum generatio.

2. Pastor gregi mos praelatus
Vir sublimis, non elatus,
In Dei prodesse templo
Verbo studet et exemplo,

V. Onus curae rite pensans
Utiliter meam dispensans.

3. Vere felicem exsulem
Misit Juvavum Hibernia,
Feliciorem praesulem
Quem excepit Carinthia,
Pastorem evangelicum,
Docentem verbum mysticum.

V. Ergo salutis ministrum
Laudet et vitae magistrum.

In 2. Nocturno.

Antiphonae.

1. Exaudivit Invocando

Se Dominus Virgilium,
Lumen fidei signando
Super filios hominum.

2. Laetentur In te, Domine,
Justi, quibus benedicis,
Quorum generas germine
Filios ex Inimicis.

3. Gloria et honore

In terra et in caelis
Sub duplici decore
Praesul fulget fidelis.

Eesponsoria.

1. Vir virtute mira pollens
Et manus ad magna tollens
Diu perfidos jam pridem
Fidus doctor docet fidem,

V. Coaptavit Incremento
Plantas rigans documento.

2. Post labores In vinea,
Post plena messe horrea
Carnis soluto debito
Non mors sed vitae transitus-
Adest felici merito,
Tendit ad coelos spiritus,

V. Vita vivens gloriosa;
In conspectu Domini
Mors sanctorum pretiosa.

3. In sacris cineribus
Aeternitatis semina
Sub signorum fructibus
Dant sanctitatis germina,
Sic caro sequens spiritum
In sursum sapit reditum.

V. Hic relictae reliquiae
Sub condimento gratiae
Spirant odorem gloriae.

In 3. Nocturno.
Antiphonae.
1. In Domino confidens
Justitiam dilexit,
Et ad praemium fidens
Meritis se provexit.
2. In benedictionibus

Supernae dulcedinis
Virgilium praevenisti,
Quem sanctis pontificibus
Fructu beatitudinis
Perpetue coniunxisti.
3. In Domino Virgilium,
Dominum In Virgilio
Laudemus, patrem, filium
Cum spiritu In gaudio.

Responsoria.
1. Dum longe lateque patet
Signis sanctus Insignibus,
Nec sub nube lumen latet
Plenis diffusum facibus,
Gaudent sacris muneribus
Absentes cum praesentibus;
V. Dextera Domini
Fecit virtutem,
Nam salus homini
Datur In salutem.
2. In spem et signum gloriae
Cedit natura gratiae,
Lumen orbatis redditur,
Mortuis vitae reditus,
Contra naturam sequitur
Privationem habitus;
V. Sic gratiae potentia
Per virtutis suffragia
Innovat mirabilia.
3. O pastor alme Virgili,
Baculo defensionis
Arce lupos ab ovili.
Ut ambulemus cum bonis
In tui gregis caterva,
Mores rege, vitam serva,

V. Posce cunctis suffragium,
Pasce, juva Juvavium.

Ad Laudes.
Antiphonae.
1. Orbem firmavit

Dominus sibi sede parata
In turri David

sanctis Sion arce locata.
2. Dantes Virgilio

laudum praeconia late,
Omnis terra, Deo
cum laetitia jubilate.
3. Ad te de luce,

lux vera, Deus, vigilamus
Grex pastore duce
quem Virgilio resonamus.
4. Simplicitate supplex

laudum replicatio duplex
Votis ac ore

trino psallat sub honore.
5. Intima solvamus

Christo laudesque canamus,
Sancto completus

Gaudet In aethere coetus.

Ad Benedictus.
A. Benedictus Dominus

Plebem suam visitavit,
Cornu salutis cominus

Erigens In domo David
In lucem dando gentium
Sanctum virum Virgilium.

In 2. Vesperis.
Ad Magnificat.
A. O lumen ecclesiae

Longe lucens saeculis,
Igne fovens gratiae

Salutem In populis,
Ad fervorem mentibus

Fer splendorem animae,
Duc In tuis gressibus
Oves, pastor optime.