60. In festo duorum Ewaldorum.

In 1. Vesperis.

Super Psalmos.

A. Sanctos Dei et electos
Martyres eum gaudio
Collaudemus, quia rectos
Decet collaudatio.

Ad Magnificat.

A. O concives angelorum

Et Dei domestici,
O de gente Anglicorum

Viri apostolici,
Quorum vita gloriosa,

O Ewaldi gemini,
Quorum mors est pretiosa

In conspectu Domini ;

Qui victricem post agonem
Meruistis lauream,

Prece nos ad mansionem
Transferte sideream.

Ad Matutinum.
Invitatorrum.
R egem regum adoremus

Christum mente sobria,
Ut Ewaldis conregnemus
In coelesti regia.

In 1. Nocturno.
Antiphonae.
1. Christianam docta legem
Sub papa Gregorio
Angelorum novit regem
Anglicorum regio.

2. Hi ad Christum se conversos
Monstrantes et credulos
Christi fidem per diversos
Praedicahant populos.

3. Predicante cum his senis
Sociis de Anglia
Willibrordo est effrenis
Baptizata Frisia.

Eesponsoria.
1. Sancti duo sacerdotes,
Pariles nominibus,
Per virtutem sacras dotes
Erant pares actibus.
V. Ewaldi nomen proprium
Commune fuit parium.

2. Dilectorum Dei patrum
Idem erat studium,
Sed hunc album, Illum atrum
Color fecit crinium;
V. Erat capillo nigrior
Doctrina sacra clarior.

3. Hi praeclari viri duo
Relinquentes Angliam,
Pro natali solo suo
Colebant Hiberniam,
V. Spontaneum exsilium
Ferentes spe coelestium.

In 2. Nocturno.

Antiphonae.

1. Post haec sanctis erat cordi

Barbaros convertere

Ad exemplum Willibrordi

Doctrina et opere.

2. Prompti ergo praedicare
Ibant In Germaniam,
Ut Germanos germinare
Facerent justitiam.

3. Locum In hac adierunt
Antiquorum Saxonum,
Quem prae cunctis Invenerunt
Lingua sibi consonum.

Eesponsoria.
1. Olim naves ascendentes
Bellicosi Saxones

Et Britanniam petentes
Expulerunt Britones,
V. Ex tunc victa Britannia
Vocari cepit Anglia.

2. Hinc egressi patres Isti
Saxonum de genere
Saxones ad fidem Christi
Studebant convertere;
V. Hoc suasit Christi caritas
Et prisca consanguinitas.

3. Adventantes ut legati
In vicum Saxonicum
Sunt Ibidem hospitati
Sancti apud villicum,
V. Petentes ducem Illico
Ad satrapam a villico.

In 3. Nocturno.
Antiphonae.

1. Satrapis gubernabatur
Rege carens regio,
Sed, quo vicus regebatur,
Loco mansit alio.
2. Erat viris parva claris
Sed clara sarcinula,
Vasa sacra et altaris
Gerens vicem tabula.
3. His utentes decantabant
Psalmos, hymnos, cantica
Et devote Immolabant
Sacra Deo mystica.

Responsoria.

1. Cognito quod Christiani
Essent novi hospites,
Debachantur convicani
In eos praecipites,
V. Ne alloquentes procerem
Immutent legem veterem.

2. Albus raptim trucidatur
Impiorum gladiis,
Niger diu cruciatur
Variis suppliciis,
V. Occidunt aegri medicos
Et bellici pacificos.

3. O rex coetorum,

via, vita, corona tuorum,
Nostri Ewaldorum

meritis miserere duorum,
V. Quos fera gens stravit,

tulit amnis, lux decoravit.

Ad Laudes.
Antiphonae.
1. Sancti ferro Interfecti
Saxonum ferocium
Sunt In Rhenum conprojecti,
Ut sint cibus piscium.
2. Princeps viros se quaerentes
Noscens caede mortuos,
Cremat vicum, necat gentes,
Poena ferit nocuos.

3. Anmis eunt contra cursum
Ewaldi divinitus,
Nocte supra eos sursum
Luce missa coelitus.

4, Gai Tylmo nomen erat,
Ewaldorum socio
Panditur, ut eos quaerat
Sub nocturno radio.
5. Hinc translati a Pipino
Mandantur ecclesiae
In loco Ebeno vicino,
Colendi Coloniae.

Ad Benedictus.
A. O fons summae bonitatis

Et sanctorum gloria,
Qui Ewaldis pro beatis

Facis mirabilia,
Quorum locum passionis

Fonte novo riguum
Signum pro te fusi ponis

Sanguinis perpetuum ;
Nos baptismi fonte lotos,

Si qua foedat macula
Lavans tibi nos devotos

Conserva per saecula.

In 2. Vesperis.
Antiphonae,

A. O praeclaros Christi testes

Et dignos praeconiis,
Qui quod cives sunt coelestes,

Claret testimoniis
Sancti Bedae et Annonis,

Quem colit Colonia,
Per quos fiunt his patronis

Grata ministeria ;
Anno confert a sepulchro

Martyres ad scrinia,
Beda stilo scribit pulchro

Inclita martyria.

Deo laus et gloria.