40. De s. Antonio Eremita.

In 1. Vesperis.

Super Psalmos.

A. Paulum quaerens eremita,
Antoni, tene precibus,
Ut purgemur In hac vita
A peccatorum faecibus,
Quatenus servemur Ita
A gehennae necibus.

Ad Magnificat.
A. O beatum virum talem,
Bellare qui didicerat
Carnem, hostem Infernalem
Et mundum supervicerat,
Dum In mundo sine mundo

Immutatus vixerat ;
Nobis mundum tam Immundum
Evitare doceat.

Ad Matutinum.
Invitatorium.

Adorare Dominum
Attentius venite,

Beatum per Antonium
Qui donat dona vitae.

In 1. Nocturno.

Antiphonae.

1. Beatus vir non adiit
Consilium Impiorum,
Idcirco nunquam abiit
De numero proborum.

2. Qui In coelis habitat
Irridens amentem,
Virum hunc elegerat
Spiritu egentem.

3. Fide fortis tribulantes
Multiplicatos vicerat,
Vicit et Insidiantes
Iturus, quo nescierat.

Eesponsoria.
1. Deo credens, spe firmatus
Arripuit Antonius
Iter membris fatigatus,
Quae sustentavit baculus.
V. Paulum quaerens cepit Ire
Viam, quam nescierat,
Quem monstrum perterrens dire
Ad Iter demonstraverat.
2. Lupam sequens, quem optavit,
Invenerat Antonius ;
Advena ut affectavit
Introitum avidius,
Paulus cera obfimiavit
Ostium diligentius.
V. Et quamvis non meruerim
Conspectum tuum visere,
Postquam te nisi viderim,
Scias me non recedere.

3. In Domino habentibus

Spem firmam, fidem bonam,
Christus suis militibus
Duplicavit annonam.
V. Et corvus panem Integrum
Attulerat egenis,
Ferebat quem dimidium
In annis ter vigenis.

In 2. Nocturno.
Antiphonae.
1. Hunc Invocantem Dominus
Quam libens exaudivit,
In tribulationibus

Constantem quem praescivit.
2. Scuto bonae voluntatis
Munitus hic Antonius
Vestem verae paupertatis
Custodit diligentius.
3. Hunc coronavit Dominus
Gloria et honore
Prae multis eminentibus
Virtutum In decore.

Kespousoria.

1. Pro deferendo pallio
Paulus Deo carissimus
De se misso Antonio
Obierat laetissimus;
V. Quod verebatur accidit,
Antonio absenti
Quod factum facto notuit
Hinc plane revertenti.
2. Justus nunquam derelictus
Permansit In tristitia,
Christus pia prece victus
Luctum mulcet laetitia;
V. En leones feritate
Deposita Ingenti
Cooperari sunt parati
Justum sepelienti.
3. Paulus cessit Intestatus,
Haeres fit Antonius,
Veste sua tunicatus
Festis In solemnibus.
V. Testamentum nullum fecit,
Paupertatem habuit,
Quia spiritu profecit,
Non carne uti maluit.

In 3. Nocturno.
Antiplionae.

1. Hic senex venerabilis
In Domino confisus
Fit cunctis formidabilis
In monte Dei visus.
2. Tu cordis desiderium
Sibi, Christe, tribuisti,
Post hujus vitae transitum
Quem ad vitam recepisti.

3. Hunc cuncta super maria
Tu, Domine, fundasti,
Quem temptamenta varia
Devincere curasti.

Eesponsoria.
1. Hic solus ad exuvias
Pauli senex Invitatur,
Huic Christus ad exsequias
Per leones cooperatur,

V. Modo discreti hominis

Humum temptant qui cavare,
Locum unius corporis
Sic capacem praeparare.
2. Corde totus quam devotus
Antonius defleverat
Mortem Pauli, tarde notus
Quem humo sepelierat.
V. Seniles artus oneri
Curavit applicari
Et Pauli corpus mortui
Ad fossam deportare.
3. Vere justum deportavit

Per vias rectas Dominus,
Hujus vitae dum vitavit

Vitam noster Antonius,
Heremitam, coenobitam
Reddens se devotius,
V. Immortalem praeelegit
Sic vitam vitae veteri,
Totum Christo se subegit
Non vivens sicut ceteri.

Ad Laudes.
Antiphonae.
1. Indutus pulchritudinem
Et vestimenta varia
Regnat per fortitudinem
In coelesti curia.

2 . Omnis terra, jubilemus
Antonii pro gloria,
Deo nostro laboremus
Servire cum laetitia.

3. Deus, ad te vigilavit,
Sitivit cujus requiem,
Apud quem desideravit
Et In aestu temperiem.
4. Gaudentes benedicite
Vestro pro consortio,
In hymnis laudem dicite,
Angeli Dei, Domino.
5. Laudet omnis praeceptorem
Suhductis cunctis velis
Creatura creatorem
Et Dominum de caelis.

Ad Benedictus.
A. Antonium, pro meritis

Quem visitavit Dominus,
Nunc nostris pro demeritis

Oremus diligentius:
Nobis nostra deleantur

Sua per precamina
Et a Christo remittantur
Omnia peccamina.

In 2. Vesperis.
Ad Magnificat.

A. Vale, vitis ubertatis

Antoni, pater pauperum,
Rosa mitis caritatis

Et castitatis lilium;
Mansuetudo vitae detur

Nobis oh tuum meritum,
Quietudo condonetur

Aeterna post Interitum.