27.

De sancto Achatio.

In 1. Vesperis.
Ad Magnificat.
A. Sub vexillo militantes
Coelestis Imperii,
Jesu morti complantantes
Se typo supplicii,

Meruerunt triumphautes
Coronam martyrii,

Regi regum conregnantes
Angelorum socii

Perfruuntur exsultantes
Majestate praemii.

Ad Matutinum.
Invitatorum.
Pro martyrum victoria

Crucifixorum hodie
Jubilemus magnalia

Laudantes regem gloriae.

In 1. Nocturno,

Antiplionae.
1. Tanquam lignum fructificant
Secus fluenta consitum,
Cum se cruci dedicant
Carnis per Interitum.
2. Reges et terrae principes
Adversus Christi milites
Steterunt et participes
Malitiae satellites.
3. Quorum durum Imperium
Viri fortes despiciunt,
Dum promissum auxilium
Desuper accipiunt.

Responsoria.
1. Dum terreno militant

Regi, cedunt a proelio,
Quos credentes suppeditant
Angelico praesidio;
V. Occiduntur gladiis

Et demerguntur fluviis.
2. Conscendunt ad sublimia
Duce coelesti praevio,
Imbuendi scientia
Et fidei mysterio ;
V. Adest doctrix gratia

Illuminans praecordia.
3. Hinc ad regum praesentiam
Accersitos velocius,
Ad fidei constantiam
Hortatur dux Achatius,
V. Contemnere supplicia,
Minas et dona regia.

In 2. Nocturno.
Antiplionae.
1. Post vanam Idolatriam
Renati sine macula,
Defendunt per justitiam
Justorum tabernacula.

2. Quos Dominus virtutibus
Et signis dum mirificat,
Mille cum militibus
Theodorum justificat.
3. Sic rex potens In proelio
Suum augens exercitum
Animum In supplicio
Donat imperterritum.

Responsoria.
1. Lapidum sancti Ictibus

Premuntur et verberibus,
Sed feritur tyrannica
Plebs ultione coelica,
V. Arentes manus pereunt
Et saxa jacta rederat.
2. Auget suorum militum
Numerum et meritum
Christus per millenarium
Sacrum complens denarium.
V. Inspirans mille milites
Reddit In fide divites.
3. Servi regis Imperio
Multiplices aculei
Substernuntur vestigio
Sanctorum clavi ferrei,
V. Angelico obsequio
Colliguntur de medio.

In tertio Nocturno.
Antiplionae.
1. Gentium et principum
Dissipatur consilium,
Dum coetui fidelium
Hoc jungitur collegium.

2. Perforantur latera,

Sanguis sacratus funditur,
Sed dulcescunt vulnera,
Quibus ad Deum tenditur.

3. O celebre martyrium,
Coronantur spinea
Corona post ludibrium
Laureandi aurea.

Responsoria.
1. Affixi sunt patibulis,

Et mons motus contremuit,

Sol latet sub umbraculis,
Sic virtus Christi claruit.
V. Renovantur signacula
Crucis et miracula.

2. Vox auditur divinitus,
Qua firmatur petitio,
Quam obtulit exercitus
Crucifixi devotio
V. Pro salute fidelium
Se pie venerantium.

3. Lux fulgens coelo splenduit
Lucisque lux apparuit,
Dans cum dolore gratiae
Sanctis splendorem gloriae.

V. Praesens Christus adfuit
Angelorum multitudine
Et sanctorum agmine.

Ad Laudes.

Antiphonae.

1. Mirabilis apparuit

In altis rex altissimus,
Dum funditus contremuit
Mons sanguine pinguissimus.

2. Membra Christi stigmatum
Impressa signaculis
Solvuntur a patibulis
Manibus angelicis.

3. O quam digna sepultura
Martyrum corporibus,
Quae angelorum cura
Expletur et operibus.
4. Mons sacra condit ossa,

Quorum caro cruce fossa,
Spiritus In Deo vivunt,
Cui semper hymnum dicunt.
5. Exsultant nunc In gloria

Post triumphum mirificum,
Pro crucis Ignominia

Novum cantantes canticum.

Ad Benedictus.
A. Virtutum rex et gloriae,
Qui triumphum victoriae
Contulisti martyribus,
Praesta tuis supplicibus,
Ut proelia militiae
Praesentis et miseriae
Sic agamus viriliter,
Ut coronemur feliciter.

In 2. Vesperis.
An Magnificat.

In martyrum vulneribus
Tua, o Jesu, vulnera

Ex Intimis visceribus
Recolentes munera

Tibi laudis offerimus

Et salvari deposcimus.

3. Noct. Ad

cant. Ant:

Occurre cum tripudio
Et concentu laetitiae,

Felix sanctorum concio,
Triumphanti militiae,

Quae de crucis exitio
Ad te concurrit hodie.