21. Historia de Domina In sabbato.
32. De sancto Alberto Carmelita.
51. De s. Berchtoldo Garstensi.
52. De s. Bernaardino Senensi.
55. De ss. Cyrillo et Methodio.
60. In festo duorum Ewaldorum.
85. In translatione s. Thoniae Aquinatis.
93. In Translatione s. Virgilii.
In 1. Vesperis.
Antiphonae.
1. Jam sanctae Clarae claritas
Splendore mundi cardines
Mirifice complevit
Cujus perfecta sanctitas
In devotas propagines
Velocius excrevit.
2. Mundi totius gloriam
Ut Christum lucrifaceret
Vile quid arbitata
Finibilem laetitiam,
Ne Infinitam perderet,
Semper est aspernata.
3. Haec In paternis laribus
Puella sacris moribus
Agebat coelibatum,
Quam praedocebat unctio
Sine magistro medio,
Cor Christo dare gratum.
4. Sacra spirat Infantia
Magni regis connubia
Virtute promereri
Moxque Francisci studia
Sectatur et In gratia
Conatur exerceri.
5. Hanc et papa Gregorius
Fovit et Innocentius
Patrum more piorum,
Quam Alexander Inclitus
Adscripsit motus coelitus
Catalogo sanctorum.
Ad Magnificat.
A. O decus, o gaudium,
O virginale lilium,
Tu jubar ecclesiae,
Gemma claritatis,
Floridum virginibus
Fers speculum prudentibus
Specialis gloriae,
Splendor sanctitatis,
Vitae signis radians
In te pie delicians
Requievit spiritus
Dulcis pietatis,
Pia mater humilis,
Clara praeclara, nobilis,
Post praesentes gemitus
Junge nos beatis.
Ad Matutinum.
Invitatorium.
Regi qui carnem Induit
Sit laus cordis et oris
Cujus In Clara claruit
Perfecti vis amoris.
In 1. Nocturno.
Antiphonae.
1. Haec una de prudentibus
Praefulsit virgo prudens
In annis puerilibus
Christo placere studens.
2. Excelsi servus virginem
Franciscus Incitavit,
Amare Deum hominem,
Quem amor humanavit.
3. Cuncta pro Christi nomine
Contemnens crine tonso
Coram altari, Domine,
Nubet aeterno sponso.
Eesponsoria.
1. Francisci prima plantula
Mire fructificavit
In orbe cum discipula
Clara, quam Informavit,
Castitatis per saecula
Cultum multiplicavit.
V. Virgo sub sacra regula
Multarum jam praeambula
Se Deo consecravit.
2. In via poenitentiae
Glebas terit membrorum,
Semen serit justitiae,
Lumen diifundit morum,
Lucratur sic quotidie
Thesauros meritorum.
V. Cujus ferventer hodie
Gressus devotae filiae
Sequuntur exemplorum.
3. Haec paupertatis titulo
Pollens intitulata
Post Christum sine sacculo
Currit exonerata,
Relicto foris sacculo
Mens Intus est ditata,
V. In paupertatis nidulo
Nostri praesepis parvulo
Pauperi conformata.
In 2. Nocturno.
Antiphonae.
1. Oblata per Gregorium
Refutat possidere
Nihilque transitorium
Cum Christo vult habere.
2. Parat magistra vasculum,
Ut oleum quaeratur,
Mox vero per miraculum
Vas plenum coelo datur.
3. Hortatur haec, ut pauperes
Pauperis matris natae
Nequaquam sint degeneres
A matris paupertate.
Eesponsoria.
1. A civibus obsidio
Removetur ob lacrimas
Et preces sanctae Clarae,
Dum cinere, cilicio
Jubet sorores optimas
Ad Deum exclamare.
V. Orationum proelio
Meretur gentes pessimas
De claustro deturbare.
2. Amica crucis plangere
Crucifixum novitias
Docet, quem Ipsa plangit,
Crux ei digno pondere
Majores dat delicias,
Quo major dolor angit.
V. Haec Christi sui munere
Morbos atque molestias
Fugat, dum cruce tangit.
3. Vivens In mundo labili
Sponso conjuncta nobili
Sursum deliciatur
Clausoque carne fragili
Tamquam In vase fictili
Thesauro gloriatur.
V. Sic In rota versatili
Fulta virtute stabili
Cum Christo delectatur.
In 3. Nocturno.
Antiphonae.
1. Cor verbis sapientiae
Medullitus apponit,
Cum praedicator gratiae
Verba vitae proponit.
2. Trahit de testa nucleum,
De litera saporem,
De petra sugens oleum,
De spina legens florem.
3. Format Clara discipulas
Coelesti disciplina,
Cujus est ad juvenculas
Convictus pro doctrina.
Responsoria.
1. Carnis templo soluto spiritus
Coelos scandit et patet aditus.
Benedictus sit talis exitus,
Multo magis talis Introitus.
V. Vivo pani morte juncta
Vita vivit vita functa.
2. De pane pascit unico
Turbam sororum pauperum,
Claret signo mirifico
Virtus signorum veterum,
Dum cibat ex tam modico
Magni conventus numerum.
V Pro tenui viatico
Mensa laetatur superum,
Regno beatur coelico
Pro vilitate cinerum.
Ad Laudes.
Antiphonae.
1 . Post vitae clarae terminum
Clara cum turba virginum
Ad coelos evolavit,
Suum complexa Dominum
Regnat In regno luminum,
Quo Dominus regnavit.
2. Agnes ad agni nuptias,
Ad aeternas delicias
Post Claram evocatur,
Ubi per Sion filias
Post transitas miserias
Aeterne jubilatur.
3. Sicut sorore praevia
Christi passi vestigia
Sectatur gaudens cruce,
Sic dum haec signis rutilat
Agnes post Ipsam vigilat,
Deus, ad te de luce.
4. Honorat Christi dextera
Per sanitatum munera
Virginis mausoleum,
Sanat morbos et vulnera,
Ut benedicant opera,
Quae fecit Deus, Deum.
5. Laudans laudare studeat,
In laudem semper prodeat
Plebs Ista salvatoris,
Quam tanta ditat sanctitas,
Non cesset Ipsa civitas
A laude conditoris.
Ad Benedictus.
A. Novum sidus emicuit,
Candor lucis apparuit,
Lux claritatis adfuit,
Coeli splendor enituit,
Nam lux, quae lucem Influit,
Claram clarere voluit.
In 2. Vesperis.
Ad Magnificat.
A. Salve, sponsa Dei,
virgo sacra planta minorum,
Tu vas munditiae,
tu praevia forma sororum;
Clara, tuis precibus
duc nos ad regna polorum.
Alia.
A. Duce coelesti numine,
Matre favente virgine,
Clara, re clara, nomine,
Spreto paterno limine,
Spreto nativo sanguine
Est In sanctorum lumine
Ac beatorum agmine ;
Gloria tibi, Domine.
Alia.
A. O virgo clarens vespere,
Praeclaris clara meritis,
Liga perfecto foedere
Nos In amore Christi ;
Da membra fore capitis
Et sensibus et moribus
Jesu, quem dilexisti.
Alia.
A. Clara, Dei famula,
Florens rosa, primula
Puellarum Christi,
Sub Prancisci cordula
Pii patris aemula.
Mundum subegisti.
O Clara, lux, gaudium,
O fides vera mentium,
Tu nostrae militiae
Spes omnis gratiae,
Nobile collegium
Tu sacrum privilegium,
Lex obedientiae,
Flos conscientiae.
Tu nostrum refugium
Et beatum subsidium,
Eegula paupertatis,
Intercede [natis]
Pro nobis ad Dominum,
Beata Clara, terminum
Obtine cum beatis
Luce claritatis.