81. De sancto Stanislao.

In 1. Vesperis.
Autiplionae.
1. Dies adest celebris,
Ad lucem de tenebris
Consurge, Polonia,
Pretiosi martyris
Glebam ferens corporis

Laetare, Cracovia,
Stanislai praesulis,
Praeclara miraculis,
Age natalitia.

2. Ortus de Polonia

Stanislaus studia

Legit puerilia
Studiosa mente,

Tandem Christi vernula

Sublimatus Infula

Fit virtutum formula
Domino favente.
3. Grandescit fitque minimus

Inter majores maximus,

Dignitate sublimior,

Sanctitate praestantior
Praesul Dei Stanislaus.
4. Corpus domans jejuniis

Frangit panem pauperibus,
Ecclesiae negotiis

Adstat diurnis actibus,
Nocte vacans vigiliis

Instat divinis laudibus.
5. Imitator redemptoris

Quaerens drachmam deci
mam,
More boni mercatoris

Margaritam optimam,
Stanislaus, vir amoris,
Corpus poenis dans tortoris

Lucrifacit animam.

Ad Magnificat.
A. O beate Stanislae,

Praesul plebis Cracoviae,
Cujus signa victoriae
Late patent Poloniae,
Nam dono Christi gratiae
Pestes curantur variae;
Tua, martyr egregie,
Festa colentes hodie
Regi commenda gloriae.

Ad Matutinum.

Invitatorinm.

Stanislai pro triumpho
Christo demus gloriam,

Qui martyri de tyranno
Contulit victoriam.

In 1. Nocturno.
Antiphonae.
1. Stanislaus, vir beatus,
Legem Dei meditatus,
Boleslao

scelerato restitit
Et In via

peccatorum non stetit.
2. Dum profanum Boleslaum
Stanislaus arguit
Et mucrone spiritali
feriendum censuit,
Rex Impius contra pium
cum suis Infremuit.

3. Stanislai Dominus

caput exaltavit,
Vocem ejus sanguinis

ultor exaudivit,
Peccatorum fremitum

et dentes contrivit.

Responsoria.
1. Celebret Polonia
Festiva solemnia,
Veneretur Inclita
Passionis merita
Sancti Stanislai,
V. Quem occidit Impia
Dei pro justitia
Manus Boleslai.
2. Affluens deliciis,
Largus beneficiis,
Belliger In hostibus,
Tyrannus militibus
Hic fuit Boleslaus,
V. Cujus In temporibus
Plebem Dei legibus
Regebat Stanislaus.
3. Assumptus ex hominibus
Praesul pollet virtutibus

Sanctus Stanislaus,
Rex pro suis sceleribus
Et Insontum cruoribus
Sordet Boleslaus.
V. Quem pro suis actibus
Castigat crudelibus
Pater Stanislaus.

In 2. Nocturno.
Antiphonae.
1. Sanctum suum Dominus
jam mirificavit,
Cujus In certamine
mentem dilatavit,
Quia Deo victimam
se sacrificavit.
2. Deus virum sanguinum
penitus despexit,
In via justitiae

Stanislaum texit,
Dans palmam victoriae
justo benedixit.

3. O Domine, nomen tuum,
Magnum et mirabile,
Leve jugum passionis

facit et amabile,
Pro quo sanctus martyrium
pertulit laudabile.

Responsoria.

1. Videns regem depravatum,
Gregem suum depraedatum
Jusque thori profanatum
Spiritali sceleratum
Praesul ferit gladio ;

V. Patricidae mox futuro,
Deum factis negaturo
Negatar communio.

2. Ad saeva regis opera
Naturae stupent foedera,
Lactat canem puerpera,
Canis pendens ad ubera
Materna torquet viscera.

V. Res Inaudita saeculis,
Dat lac humanum catulis
Abjecta prole tenera.

3. Arae Dei dum adstaret
Et divina celebraret
Stanislaus pontifex,
Jugulandum, lacerandum
Boleslaus mittit manus,
Truculentus carnifex ;
V. Ter procedit, ter recedit,
Ter Invadit terque cadit
Missus necis artifex.

In 3. Nocturno.
Antiphonae.
1. Confisus In Domino
martyr Stanislaus
Hostem vicit moriens

vir victoriosus
Et ad montem Domini
migrat gloriosus.

2. Intrat tabernaculum,
Dei habitaculum,

Martyr sine macula,
Per mortis articulum
Carnis sumpsit vinculum,

Victurus In saecula

Quo lux lucet sedula.
3. Deus, tuo munere

justum praevenisti,
Cordis desiderium

ejus Implevisti,
Cum corona gloriae

et vitam tribuisti.

Responsoria.
1. Membra sparsim laniata
Rosae rubent sanguine
Aquilisque deputata
Coelesti munimine
Nocte, die sunt servata
Circumfuso lumine,
V. Sepulturae commendata,
Sana salva restaurata
Dei medicamine.

2. Sanctus Iste pro te, Christe,
Rege spreto dato leto
Vir Insignis digne signis
Fulget Stanislaus;

V. Martyr caesus gaudet laetus,
Stat Invictus, rex devictus
Gemit Boleslaus.

3. Pastor cadit In gregis medio,
Sponsus dormit In sponsae,

gremio
Mater plorans gaudet In filio,
Quia vivit victor sub gladio.

V. Cleri plebisque concio
In patris natalitio
Jubilet In tripudio
Pro tanto beneficio.

Ad Laudes.
Antiphonae.

1. Stanislaus In agmine

Martyrum vernans sanguine
Munit scuto passionis
Castra veri Salomonis,
Coronatus martyrio
Regnat In coeli solio.

2. De concive, coelum, gaude,
De patrono, terra, plaude,
Stanislaus pari laude

Sanctorum laetatur
Meritis aequatur.

3. Novis signis Dominus
sanctum decoravit,

Dum custodes aquilas
sibi deputavit,

Et In nocte corporis
partes Illustravit.

4. Ad festa patris Incliti

populi concurrunt,
Per cujus clara merita

mortui resurgunt,
Caeci, claudi, morbidi,

aegri sani surgunt
Et ad Christi gloriam

laudibus assurgunt.

5. Veri solis radius,
medicus coelestis
Meritorum martyris
auctor est et testis,

In splendore corporis
castitatem signans,

Quod Integrum reddidit,
amorem designans.

Ad Benedictus.
A. Martyr Dci Stanislaus,
Gloriosus pontifex,
Quem occidit Boleslaus,
Truculentus carnifex,
Pastor bonus et patronus
Adsit nobis opifex,
Sit virtutum artifex.

In 2. Vesperis.
Ad Magnificat.
A. Vir inclite Stanislae,
Vita, signis, passione,
Plebem tuam, pastor bone,
Fove benedictione,
Guberna protectione,
Salve sancta Intercessione.