65. De sancto Gregorio.

In 1. Vesperis.
Super Psalmos.
A. Lauda, felix mater et filia,
Lauda tuum, Roma, Gregorium,
Laudet suum doctorem Anglia,
Laudet mundus patrem exi-
mium.

Ad Magnificat.
A. Alme praesul, dux sapientiae,
Arcus coeli, splendor ecclesiae,
Gloriosa refulges specie
Inter altas nebulas gloriae.

Ad Matutinum.

Invitatorium.

Pellat devotio

Soporis otia
Laudes Gregorio

Cantet ecclesia.

In 1. Nocturno.
Antiphonae.
1. Gregorius alvo dum clauditur
Beatae Silviae,
Benedicti voce praedicitur
Lumen ecclesiae.
2. Bomae proles patrum Illust-
rium
Praelustris actibus,
Clarus erat doctrinis artium,
Pollens honoribus.
3. Mundo florens Christo refloruit
Afflatus gratia,
Mundum spernit, opes distri-
buit,
Fundat coenobia.

Eesponsoria.
1. Cum aeternus pastor Gregorium
Praevidisset ad curam ovium,

Signo lucis in lucem gentium
Latens est proditus;
V. Lux effulgens per noctem coe-
lius
Datum prodit patrem divinitus,
2. Vastat orbem coelestis ultio,
Ruunt cives, obsistit gladio
Novus David, cessat quassatio
Et salus redditur.
V. Pius pater In precem sternitur,
Cedit ultor, mucro concluditur.
3. Super gentes et regna positus,
Ut lucerna pontifex Inclitus
Ardens lucet per dona spiritus
Ad Christi gloriam.
V. Purgat, ornat, auget ecclesiam,
Plangit, docet, convertit Ang-
liam.

In 2. Nocturno.
Antiphonae.
1. Radiantes gemmarum ambitu
Praetextas abjicit,
Monachali pauper In habitu
Christo se subjicit.
2. Crucifigens carnem cum vitiis
Christo configitur
Et provectus virtutum studiis
Abbas praeficitur.
3. Dum conformis esse jam Incipit
Vitae coelestium,
In figura naufragi suscipit
Coelestem nuntium.

Responsoria.
1. Replet terras profusa largitas,
Nec fit exsors superna civitas,
Ut secundi Loth hospitalitas
Sic hospes placuit.
V. Felix mensa, dum multis patuit,
Coeli civem convivam habuit,
2. Sacer panis ut caro cernitur,
Manat cruor, dum panis pun-
gitur,
Equum vexans daemon ex-
pellitur,
Magus corripitur.

V. Jam sepultus frater absolvitur
Et Trajano poenar remittitur.
3. Magis languens morbis dum
deficit,
Mens amoris languore proficit,
Crescunt morbi, crescit et af-
ficit
Amor Impatiens.
V. Sicut servus ad fontem sitiens
Aestuabat dissolvi cupiens.

In 3. Nocturno.
Antiphonae.
1. Bonus odor coelestis hominis
In mundum prodiit,
Tandem raptus Romani car-
dinis
Honorem subiit.

2. Sese mundi despecta gloria
Semper humilians
Sectabatur Christi vestigia
Supernis Inhians.
3. Christi pugil spiritus gladio
Pro fide dimicat,
Fidem firmat et jugi studio
Mores aedificat.

Respousoria.
1. Terrae praesul ad coeli solium
Sublimatus de valle flentium,
Ex servorum sorte fidelium
Intrat In gaudium,
V. Angelorum choris laudantium
Jungi decet psaltem egregium,
2. Patris almi libros Incendere
Quaerit livor, nefas arguere
Audet Petrus, cessant a scelere
Ad pactum Initum;
V. Opus probans coelitus editum
Testis verax emisit spiritum.
3. O fons fundens fluenta gratiae,
Doctor veri, doctor justitiae,
In excelsis nunc sapientiae
Te fons Inebriat;
V. Sitientes per te reficiat,
Qui post sitim te plene satiat.

Ad Laudes.
Antiphonae.

1. Commissum gregem regere
Dum studet vigilantius,
Fecundat nomen opere
Vigil praesul Gregorius.

2. Libens praeesse renuit
Statum amplectens humilem,
Coactus tandem praefuit,
Servum se praebens vigilem.

3. Christi vigil In Intimis
Mariae vacat otio
Forisque jungi proximis
Deservit Marthae studio.

4. Pressus laborum pondere
Viget mente robustior
Nec morbis novit cedere,
Cum Infirmus, tunc fortior.

5. Jam suis gaudet canticis,
Jam vacat Dei laudibus,
Jam jubilat hymnidicis
Junctus In coelo coetibus.

Ad Benedictus.

A. O sol mundo diffundens radios,
Nostrae mentis tenebras abige,
Verae pacis In viam filios,
Dux et pater Gregori, dirige.

In 2. Vesperis.

Ad Magnificat.

A. Vale, pastor, qui modo pasceris
Collocatus In loco pascuae,
Gregem frui fructu, quo frueris,
Alma prece, Gregori, tribue.