64. De sancto Gregorio M.

In 1. Vesperis.
Ad Magnificat.

A. Gloriosa sanctissimi
Solemnia Gregorii
Toto corde catholica
Suscipiat ecclesia,
Cujus doctrina aurea
Per mundi splendet climata,
Quam meritis et precibus
Christo commendet, quaesumus.

Ad Matutinum.
Invitatorium.

Ad Dominum vigiles
cuncti convertite mentes,

Gregorium vigilem

coeli qui vexit ad arcem.

In 1. Nocturno.
Antiplionae.

1. Gregorius ortus Romae

E senatorum sanguine

Fulsit mundo velut gemma

Auro superaddita,

Dum praeclarior praeclaris

Hic accessit atavis.
2. Lineam sui generis

Dictis et factis extulit

Bibens In pueritia,

Quod ructavit postea,

3. Adhaerebat moralibus
Seniorum relatibus,
Quos tenaci memoriae
Non cessabat committere.

Responsoria.

1. Fulgebat In venerando
Duplex genus Gregorio:
Senatoria dignitas
Secundum genus saeculi,
Voluntaria paupertas
Juxta praeceptum Domini.

V. ''Beatus vir, qui timet Domiminum,
in mandatis ejus cupit nimis.''

2. Videris Romae vir beatus
Anglorum forte pueros:
Bene, inquit, bene Angli,
Vultu nitent ut angeli,
Oportet illis monstrari
Iter salutis aeternae.

V. ''Quoniam Domini est regnum
et ipse dominabitur gentium.''

3. Dum oraret in obscuro
Servus Dei latibulo,
Lux immensa super eum
Resplenduit post triduum,
Hoc signo cunctis proditus
Papa urbis efficitur.

V. ''Quia misericordiam et veri-
tatem dilexit Deus, gratiam
et gloriam dabit Dominus.''

In 2. Nocturno.
Antiphonae.

1. Gregorius, ut creditur,
Divinitus sic dicitur,
Qui sibi et ecclesiae
Vigilavit catholicae.

2. Studiis liberalibus
Nulli secundus babitus
Praetor urbanus exstitit
Adolescens spectabilis.

3. Hic ab adolescentia
Divina fretus gratia
Anhelare non desiit
Ad regnum vitae perpetis.

Responsoria.

1. Propter intolerabiles
Rerum curas mundanarum
Recusabat praesulatum
Suscipere Romanorum,
Sed victus prece populi
Suscepit jugum Domini.

V. ''Nec fecit proximo suo malum
et opprobrium non accepit
adversus proximos suos.''

2. Orante beatissimo
Ad Dominum Gregorio
Sanata est plebs Romana
A peste inguinaria.

V. ''Multum enim valet depre-
catio justi assidua.''

3. Vere felicem praesulem,
Verae fidei doctorem,
Quo petente panis Christi
Formam accepit digiti,
Ad firmandam plebis fidem
Versus In cruentam carnem.

V. ''A Domino factum est Istud
et est mirabile In ocudis nostris.''

In 3. Nocturno.
Antipbonae.

1. Sex struxit In Sicilia
Vir clarus monasteria
Et Infra urbem septimum,
In quo se fecit monachum.

2. His sane monasteriis
Praediis large tributis,
Reliqua tandem vendidit
Et egenis distribuit.

3. Qui solebat In sericis
Incedere In divinis,
Post In abjectis vestibus
Servit pauper pauperibus.

Responsoria.
1. Sanctus papa Gregorius,

Vir totus apostolicus,

Postquam praesedit cathedrae

Pervigil apostolicae,

Carne solutus hodie

Adivit regem gloriae.
V. Innocens manibus et mundo

corde, qui non accepit In vanum

'' animam suam.
''2. Hodie praeclarissimus

Deo dignus episcopus

Et Anglorum apostolus

A terrenis separatus
Conjunctus est coelestibus
Cum gloria Gregorius.

V. ''Ecce vere Israelita, In quo
dolus non est.''

3. O pastor apostolice,
Gregori beatissime,
Tuo posce precamine
Incrementum ecclesiae,
Tuo rigatae dogmate
Ac defensatae opere.

V. ''Memor esto congregationis
catholicae et dextera Dei plan-
tatae vineae.''

Ad Laudes.
Antiphonae.

1. Gregorius vigiliis
Confectus et jejuniis,
Etsi marcebat corpore,
At spe vigebat animae.

2. Lentis quidem sed jugibus
Hic aestuabat febribus,
Podagrae nec non syncopis
Pulsabatur Incommodis.

3. Coelesti cinctus verbere
Vir mirae innocentiae
Praesumebat, se diligi,
Quod merebatur argui.

4. Bis senos nummos angelo
Hic dedit quasi naufrago,
Hinc scutellam argenteam,
Quam sibi vidit reliquam.

5. Virginum tria milia
Romae pavit sub regula
Exceptis Dei famulis
Longe vel prope positis.

Ad Benedictus.

A. Christi fidelis famulus,
Prudens quoque Gregorius,
Postquam suo In tempore
Vixit ejus familiae,
Coelo reddidit animam,
Terrae carnis materiam.

In 2. Vesperis.

Ad Magnificat.

A. O Gregori, dulcissimum
Sancti spiritus organum
Atque virtutum speculum,
Posce nobis suffragium,
Ut hoc possimus consequi,
Quo te gaudemus perfrui.