55. De ss. Cyrillo et Methodio.

In 1. Vesperis.
Super Psalmos.
A. Gaudet plebs Christianorum
De tanto solemnio,
Dum Cyrillus coeli chorum

Intrat cum Methodio,

Sociantur beatorum

Agmini cum gaudio.

Ad Magnificat.

A. Laetetur plebs Moravorum,

Genus simul Bohemorum,

Devotis nunc vocibus
Regem laudemus angelorum,
Dedit qui sanctum decorum

Sanctis pontificibus
In superna hierarchia,

In qua gaudent sedulo
Cyrillus cum Methodio,
Magnificat oratio.

Ad Matutinum.
Invitatorium.

Qui vexit ad coelestia
Cyrillum et Methodium,

Dulci vocis symphonia

Christum laudemus Domi-
num.

In 1. Nocturno.

Antiplionae.

1. Secus decursus aquarum
Plantata mens pontificum
In laudem regis gloriae
Se levabat quotidie.

2. Disruptis sic tenebrarum
Vinculis a Moravis
Coelestium gratiarum
Vim donavit redimitis.

3. Invocabant Deum verum
Moravi tunc pro salute,
Cyrillum et Methodium
Sequentes omni virtute.

Responsoria.

1. Adest sacra lux diei,
Respiremus omnes rei
Et cantemus laudes ei,
Qui regnat In saecula,

V. Pro Cyrillo nobis dato
Et Methodio sacrato.

2. In hoc festo praesulari
Decet Christo modulari,
In quo simul extollendi

Sunt patroni Moravorum
Et devote praecolendi
Destructores Idolorum;
V. Hi a gentili errore

Gentes nostras abstraxerunt.

3. Pretiosas margaritas,

Virtutibus expolitas,

Rex aeternae majestatis

Vera fide decorando

Genti misit Moravorum,

Idolaque refutando

Christum colit, Deum verum;
V. Bohemorum gens exsultet,

Per hunc Christum credens
Deum.

In 2. Nocturno.
Antiphonae.

1. A quibus percipitur

Via veritatis,
Et simul abjicitur

Secta pravitatis
Per sanctos pontifices

A gente Moraviae,
Quam clari opifices

Ornarunt multifarie.

2. Omnipotens mirabilis
Divinitatis opere
In sanctis laudabiliter
Sectas coepit dispergere

Simulacrorum varias,

Fidei Christi gratia
Virtutes multifarias

Dilatans In ecclesia.
3. Inhabitant coelestia
Hi sancti tabernacula,
Quorum verbis Moravia,
Felix simul Bohemia
In Christum credunt Dominum,
Regem regum altissimum.
R esponsoria.
1. Venerandus Cyrillus

Cum fratre Methodio
Donati divinitus

Moravorum populo
Virtutibus atque signis

Florebant magnificis,
Exhortantes hos benignis

Verbis et salvificis.
V. Et Bohemorum patriam
Ad fidem praeclarissimam

Hi trahebant pontifices.
2. Felix praesul Cyrillus

Cum fratre Methodio
Destinatus coelitus

Moravorum populo
Dignitate praesulari

Se Ipsum non extulit,
Sed virtute singulari

Suae plebi praefuit.
V. Amando Christum

Mundum refutando Istum.
3. Mira Dei potentia
Sacravit continentia
Cyrillum cum Methodio
Praesenti In corpusculo,
Qui terminato corpore
Coeli laetantur munere,
V. Virtutum per Insignia
Fulgentes In Moravia.

In 3. Nocturno.
Antiphonae.
1. Conserva, pie salvator,
Gregem tibi acquisitum
Pontifices per praeclaros,
Cyrillum et Methodium.

2. In te, Christe, glorientur
Fide tua decorati
Per Cyrillum et Methodium
Ab errore renovati.
3. Confer benedictionem,

Christe, genti Bohemorum
Per dignam orationem
Pontificum nunc tantorum.
Responsoria.
1. Hos fertiles agros multum,
Qui ampliaverunt cultum

Christi In Moravia,
Dignum est, ut extollamus
Et In dulces prorumpamus
Voces cum melodia.
V. Benedictus omnis erit,
Qui haec festa digne gerit,
Nam in Ipsis Christus serit
Fructum centenarium.
2. Hymnis sanctis exsultemus,
Voce dulci personemus
Eorum nunc gloriam,
Qui nos fidem docuerunt
Et virtute ornaverunt
Per divinam gratiam ;
V. Magno digni sunt honore,
Qui a gentili errore
Nos retraxerunt penitus.
3. Apostoli Moravoram
Et patroni Bohemorum,
Qui nos fidem imbuistis
Et baptismo abluistis,
Christo reconciliate
Nos et sursum elevate,
V. Ut salute perfruamur,
Qua frui gloriamur.

Ad Laudes.
Antiphonae.
1. Apostoli Moravorum,

Cyrillus et Methodius,

Juncti regi angelorum
Laetantur felicius.

2. Jubilet suavius

Alma nunc ecclesia,
Cyrillus et Methodius
Quod Intrant coelestia.

3. Haec germana fraternitas
Virtutum In frequentia
Spernit mundi delicias
Hujus divina gratia.

4. Benedic, Moravia,
Regem angelorum,
Qui beatos gloria
Decorat sanctorum.

5. Laudes solvat ecclesia
Multiplici cum jubilo,
Christo quod ornat gloria
Cyrillum cum Methodio.

Ad Benedictus.

A. Quam benigna, quam suavis

Fraterna connexio,
Quam beata praesularis

Haec fuit electio,
Quae placere Deo claris

Studendo virtutibus,
Fruitur nunc aeternalis

Domini aspectibus.

In 2. vesperis.
Ad Magnificat

A. Snmmae Deus clementiae,

Rector universorum,
Origo sapientiae,

Per merita sanctorum
Conserves nos pontificum

Cyrilli et Methodii,
Duc nos ad regnum coelorum

Ferens opem remedii.