5. In festo Corporis Christi.

In 1. Vesperis.
Super Psalmos.
A. Gaude, felix parens ecclesia,
Adest novae laudis notitia,

Dum amoris tanti memoria
Datur nobis In coena regia;
Nam In cibum ex sola gratia
Dat se nobis paschalis hostia.

Ad Magnificat.

A. Transit Christus ad patris
solium,
Trahens secum turbam fidelinm,
Pane firmans mentes debilium,
Transformatas In corpus pro-
prium.

Ad Matutinum.
Invitatorium.
Carnis dominicae
Datum edulium
Laudet mirifice
Turba fidelium.

In 1. Nocturno.
Antiplionae.
1. Lignum In mundo corpore
Plantatum sacrae virginis
Nobis gratiae tempore
Fructum dedit dulcedinis.
2. Vinum factum sanguinem
Christus elargitur,
Ex quo mens dulcedinem
Spiritus sortitur.

3. Domine sors calicis
Et haereditatis,
Quos calice reficis,
Junge cum beatis.

Responsoria.
1. Man dum vocans ad agni nuptias
Hora coenae pater familias
Saginati vituli varias
Parat delicias.
V. Ad hoc convivium tam per-
magnificum
Vocat per filium coetum ca-
tholicum.

2. Mundo datum In vitae ferculum
Corpus Christi, sanguis In po-
culum,
Nutrit digne sumentem po-
pulum
Tam sanctum pabulum.
V. Pater namque proprium filium,
Viatori dat In solatium.

3. Verbum vitae carni conjungitur,
In quam panis natura ver-
titur,
Verus cibus Inde conficitur,
Quo Christus sumitur.
V. Solae panis remanent species,
In quas sensus Intendit acies.

In 2. Nocturno.

Antiphonac.

1. Sacrificii, Domine,
Memor esto fidelium,
Quibus carnis cum sanguine
Das pingue sacrificium.

2. Praeclarus est calix Inebrians,
Praeparatur mensa nos satians,
Ne tribulet hostis Insidians.

3. Vera fiat confessio
Adsit et exsultatio,
Sensus sit In convivio
Epulantis cum gaudio.

Responsoria.

1. Pauperibus parat convivium
His In coena dans corpus

proprium,
Ut In via sit In auxilium,
Quod futurum est eis praemium.

V. Apostolos signat charactere,
Ut deinceps possint conficere.

2. Panis oblatus coelitus
In altari proponitur,
Ex quo bene dispositus
Homo mente reficitur.

V. Confortantem cor panem sumite
Et pro vino sanguinem bibite.

3. Granum excussum palea
Cadens In terram moritur,
Surgit messis triticea,
De qua panis conficitur,
Quo In altaris area
Plebs Christiana pascitur.

V. Nisi lotus ab omni scelere
Non praesumat panem hunc
edere.

In 3. Nocturno.
Antiphonae.

1. Laetus Introibo
Ad altare Dei,
In quo vescar cibo,
Quo sanantur rei.

2. Cibavit ex adipe
Christus nos frumenti,
Illud ergo suscipe
Cum corde ferventi.

3. Turtur est ecclesia,
Pulli plebs fidelis,
Quibus dant altaria
Pabulum de eaelis.

Eesponsoria.

1. Felix vitis, quam pater omnium
Transplantavit In hoc exsilium,
De qua fluit vinum egregium
Potu fidelium.

V. Omnes In fide divites
Sunt hujus vitis palmites.

2. Discedentem hinc Dei filium
Digne laudet fidelis concio,
Tunc se dedit nobis In pretium
Pretioso pascens convivio.

V. Quicunque digne se reficit
Iter coeli secure perficit.

3. Terminatis legalibus
Cibum Christus Instituit,
Pascha novum fidelibus,
Quibus se cibum praebuit.
In quo praesens fidelibus
Hinc discedens non defuit.

V. Praesens In mentis oculis
Sub sacramenti specie
Semper est cum discipulis
Praebens fluenta gratiae.

Ad Laudes.

Antiphonae.

1. Adest dies laetitiae
Collegio fidelium,
Quibus praebet quotidie
Dominus corpus proprium.

2. Pastor, factor omnium

Carnem assumendo

Nutrit gregem ovium

Carne nos pascendo.
3. Scala coeli ponitur

Christus, quam tenendo

Grex fidelis pascitur

Ad coelum tendendo.
4. Linguae laudant, Domine,

Te nostrum pastorem,

Qui carne cum sanguine

Pascis viatorem.
5. Fulget mater ecclesia

In supernis choris

Cibata carne propria

Nostri salvatoris.

Ad Benedictus.

A. Carnis cibum et potum sanguinis
Escam nobis coeli dat agminis,
Ut In hujus campo certaminis
Utriusque firmet cor hominis.

In 2. Vesperis.
Ad Magnificat.

A. O lumen ecclesiae,

Cibus viatorum
Et corona gloriae

Coetus beatorum,
Corpus tuum hodie

Venerantem chorum
Duc soluta scabie

Ad regna coelorum.

Infra Octavam.

Ad Benedictos.

A. In conspectu meo mensam
Parasti, gratiae Deus,
Temet Ipsum dans In pensam,
Ne me laedat hostis meus.

Ad Magnificat.
A. Adeps admirabilis
Nobilis frumenti,
Panis delectabilis
Datur sanae menti.